Os presentadores de ETB Xabier Euzkitze e Kike Amonarriz, o actor Egoitz Lasa e o xogador de baloncesto David Doblas colaboraron con Mintzanet, un proxecto do Concello de Donostia que permite conversar en éuscaro a través de internet.
Fonte: EITB
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de maio de 2013
30 de maio de 2013
A Confederación de Comercio de Cataluña (CCC) presentou o Gremio de Locutorios de Cataluña e a Guía básica do locutorio, dúas iniciativas que se enmarcan nos proxectos "O comercio acóllete" e "Abertos ao catalán", ambos co apoio da Dirección Xeral de Política Lingüística do Departamento de Cultura e da Dirección Xeral de Inmigración do Departamento de Benestar Social e Familia.
30 de maio de 2013
A oficina estatística do Canadá informou que o bilingüismo inglés-francés caeu ao longo da última década a un 17,5 % da poboación total do país. Trátase da primeira caída en cincuenta anos.
Fonte: Daily
30 de maio de 2013
A directora da asociación xuvenil a prol da lingua galesa Urdd, Efa Griffith Jones, mostrou a súa preocupación polas recentes cifras que mostran un declive do galés nas zonas tradicionalmente máis fortes en número de falantes.
Fonte: Daily Post
29 de maio de 2013
Presentouse na Praza do Santo Cristo de Lezo a campaña para potenciar o uso do éuscaro nas panaderías e pastelerías da comarca de Oarsoaldea, que forma parte do programa de revitalización do éuscaro en distintos sectores comerciais impulsado polos catro concellos.
Fonte: Diario Vasco
29 de maio de 2013
O secretario xeral de Política Lingüística da Consellería de Cultura, Educación e Ordenación Universitaria, Valentín García, presentou o volume XXV dos “Cadernos Ramón Piñeiro”, co que o Centro Ramón Piñeiro para a Investigación en Humanidades (CRPIH) lle rende tributo ao escritor homenaxeado con motivo das Letras Galegas 2013.
Fonte: Xunta de Galicia
29 de maio de 2013
A formación política Anova Irmandade Nacionalista de Redondela presentou unha queixa no rexistro do Concello para exixir o cumprimento da ordenanza municipal sobre o uso da lingua galega.
Fonte: Faro de Vigo
29 de maio de 2013
O Valedor do Pobo en funcións, José Julio Fernández, estudará diversas iniciativas para que o Concello da Coruña utilice o idioma galego como lingua oficial. Este compromiso prodúcese despois da reunión mantida co presidente da Mesa pola Normalización Lingüística, Carlos Callón.
Fonte: ABC
29 de maio de 2013
O secretario xeral de Política Lingüística, Valentín García, en nome da Consellería de Cultura, Educación e Ordenación Universitaria, presentou en Santiago o exitoso programa de dinamización lingüística “Espello Deportivo”.
Fonte: Xunta de Galicia
29 de maio de 2013
O presidente do Parlamento Europeo, Martin Schulz, acordou dar o visto e prace a unha versión irlandesa do sitio web oficial do Parlamento que actualmente está dispoñible en 22 linguas europeas, coa excepción do irlandés.
Fonte: Donegal Democrat
Boletín
Subscríbase ao boletín
