Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Asociación de Funcionarios para a Normalización Lingüística e a Xunta de Galicia colaborarán para promover o emprego da lingua galega nas festas populares, coa recomendación de incorporar, por exemplo, un 20 por cento ao repertorio das orquestras.
Fonte: Europa Press
Máis do 75 % dos alumnos do terceiro ciclo de educación primaria das escolas públicas catalás teñen o castelán e o catalán como lingua materna, como o fixeron constar as familias nas solicitudes de matriculación.
Fonte: Europa Press
O Consello Comarcal do Bages puxo en marcha unha iniciativa para facer chegar contos en lingua de signos de diferentes escolas da comarca.
Fonte: La Vanguardia
O francés será a lingua de traballo do futuro Goberno rexional de Baie-James (Quebec). Porén, este terá a obriga de traducir os documentos á lingua cree e mais ao inglés, tal como estipula o novo proxecto de lei aprobado recentemente.
Fonte: La Presse
En colaboración co Ministerio angolano de Educación, o Goberno francés continuará a dar o seu apoio á expansión e desenvolvemento da lingua francesa en Angola por medio de programas nas escolas, sesións de formación para o profesorado e realización de concursos.
Fonte: Portal Angop
Algúns membros ministeriais do País de Gales anunciaron un novo conxunto de normas que imporán obrigas de promoción da lingua galesa ao propio goberno, concellos e parques nacionais. O partido nacionalista Plaid Cymru expresou a súa decepción de que estas medidas non impliquen un maior número de organizacións.
Fonte: BBC
O Goberno da India concedeu o status de lingua clásica ao malabar, cumprindo así unha das solicitudes pendentes do estado de Kerala. Con esta medida, o malabar entra a formar parte dun exclusivo grupo que inclúe o sánscrito, o támil, o telugú e o canarés.
Fonte: The Indian Express
Coincidindo coa semana das Letras Galegas, o Colexio Profesional de Xornalistas de Galicia presentou o informe A crise dos medios en galego, no que se reflexiona sobre as eivas e fortalezas dos distintos proxectos comunicativos en galego.
Fonte: Consello da Cultura Galega
Entre as novidades desta edición dos Premios da Música Independente destaca a creación de tres novas categorías relacionadas cos tres idiomas cooficiais (de mellor produción en éuscaro, mellor álbum en lingua galega e mellor álbum cantado en catalán).
Fonte: Culturagalega.org
O secretario xeral de Política Lingüística, Valentín García, participou no acto de homenaxe a Roberto Vidal Bolaño organizado por FEREGA-CECA na compostelá Praza da Quintana.
Fonte: Xunta de Galicia
Subscríbase ao boletín
