A CRTVG abriu o prazo para os Premios DígochoEu 2024/2025, dirixidos a centros de primaria e secundaria de Galicia ou con ensino de galego. Seleccionaranse 12 propostas orixinais que serán gravadas nos centros e emitidas pola CRTVG. En maio, un xurado outorgará premios baseándose na calidade lingüística e creatividade. O proxecto, creado en 2020, destaca pola súa innovación no ensino do galego e polos seus recoñecementos e repercusión nas redes sociais.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de decembro de 2024
A Real Academia Galega presenta unha listaxe unificada con máis de 600 nomes galegos de aves, resultado do traballo conxunto de ornitólogos e lingüistas. A iniciativa prioriza denominacións patrimoniais, corrixe castelanismos e incorpora achegas doutras linguas, como o portugués ou linguas nórdicas. O proxecto busca a normalización terminolóxica e a coherencia coas tradicións galegas e a precisión científica.
06 de decembro de 2024
A comunidade kurda de Turquía, que representa o 5 % da poboación de todo o país, ten moitas dificultades para acceder a servizos públicos en lingua kurda, sobre todo no ámbito do ensino.
Fonte: DuvaR.english
06 de decembro de 2024
Representantes de varios países lusófonos reuníronse en Praia, Cabo Verde, para crear o Grupo Multilateral de Reflexión que ten por obxectivo promover unha xestión máis multilateral da lingua portuguesa.
Fonte: Expresso das Ilhas
05 de decembro de 2024
O secretario xeral da Lingua, Valentín García, e a directora xeral de Xuventude, Lara Meneses, presentaron o programa de voluntariado lingüístico «Queres falar?» destinado a promover o uso do galego entre a mocidade a través de conversas entre galegofalantes habituais e persoas que queiran mellorar a súas habilidades no idioma ou incorporalo de novo á súa fala.
05 de decembro de 2024
O Boletín Oficial do Estado retomou a publicación do suplemento en catalán tras máis de tres anos, grazas a un convenio entre a Generalitat e o Goberno. Este acordo inclúe a tradución de normativas e disposicións xerais en catalán, cun custo anual máximo de 273 000 euros. A publicación limítase ao formato electrónico e só se traduce o sumario das disposicións acordadas.
05 de decembro de 2024
Un informe presentado por quince entidades valencianas denuncia un incremento do 7,3 % nas vulneracións lingüísticas na Comunidade Valenciana. As organizacións solicitan a reapertura dunha Oficina de Dereitos Lingüísticos para afrontar estas situacións e avanzar cara á igualdade lingüística.
05 de decembro de 2024
O secretario xeral da Lingua, Valentín García, presentou a programación de Nadal en Rede, a campaña de dinamización lingüística que impulsa a Xunta de Galicia e que celebra a súa décimo terceira edición achegando propostas de lecer en galego a unha trintena de concellos durante a época festiva.
05 de decembro de 2024
A Consellería de Cultura, Lingua e Xuventude deu a coñecer no marco do Culturgal as actividades de Nadal que terán lugar no Gaiás a partir do martes 3 de decembro.
Fonte: O Portal da Lingua Galega
04 de decembro de 2024
O ministro de Asuntos Exteriores de España, José Manuel Albares, reuniuse coa presidenta da Unión Europea, Roberta Metsola, para lle reiterar a petición de oficializar o galego, o catalán e o éuscaro en Europa.
Fonte: Catalan News
Boletín
Subscríbase ao boletín
