O Servizo de Normalización Lingüística do Concello de Ames convoca a décima edición deste certame literario, que ten como principal obxectivo promover os novos valores da literatura en lingua galega.
Fonte: Prolingua
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de marzo de 2013
22 de marzo de 2013
Varios pobos indíxenas de Ecuador reclaman o cumprimento de normas constitucionais para que non desaparezan as súas linguas ancestrais. Mesmo o quechua, a segunda lingua oficial do país despois do castelán, corre ese perigo, dixo Fernando Cabascango, integrante da organización Quichuaestudio, que promove investigacións e o ensino dese idioma.
Fonte: RPP
22 de marzo de 2013
Desde 2010, o servizo de tradución en liña Linguee é o dicionario electrónico coa maior base de datos do mundo e xa recibiu máis de mil millóns de consultas. Linguee lanza agora as combinacións portugués-español, portugués-francés e portugués-alemán, entre outras.
21 de marzo de 2013
Google estrea en Europa o seu servizo de buscas de voos Google Flight Search que se ofrece en oito idiomas, incluídas as catro linguas oficiais no Estado español, ademais de inglés, italiano, francés e holandés.
Fonte: Galicia Confidencial
21 de marzo de 2013
A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, participou na rolda de prensa na que se deu a coñecer a campaña "Vive a paixón", que ten entre as súas finalidades impulsar o uso do galego no marco da celebración da Semana Santa compostelá a través de diferentes actividades vinculadas ás tecnoloxías da información e da comunicación e ás redes sociais.
21 de marzo de 2013
Unha sentenza firme do Xulgado Contencioso-Administrativo número 3 de Pontevedra deulle a razón a un veciño da cidade logo de que recorrese unha multa por aparcar nunha zona de carga e descarga que implicou tamén o traslado do seu vehículo nun guindastre e unha sanción de cen euros. O demandante alegou que a sinalización era "incorrecta" porque o panel vertical que prohibía o estacionamento e indicaba o horario de aparcadoiro estaba só en galego".
21 de marzo de 2013
As universidades privadas valencianas tomaron vantaxe na oferta de graos en inglés. Neste curso tanto o CEU-Universidade Cardenal Herrera como a Universidade Europea de Valencia imparten a carreira de Odontoloxía neste idioma, unha oferta de titulacións que o próximo curso ascenderá a seis.
Fonte: Levante-emv
21 de marzo de 2013
O Tribunal Superior de Xustiza de Cataluña estimou parcialmente os recursos de Convivencia Cívica Catalá contra os regulamentos das deputacións de Lleida e Xirona, e anulou os artigos que establecían o uso “preferente” do catalán porque unha administración non pode determinar a priori o uso dun idioma por riba doutro cando ambos son oficiais.
Fonte: 20 minutos
20 de marzo de 2013
Os habitantes da cidade irlandesa de Galway presentaron máis de 100 queixas denunciando as dificultades que teñen para accederen a servizos públicos por medio da lingua irlandesa. Estes datos foron extraídos do último informe elaborado pola Oficina da Lingua Irlandesa que mostra que se enviaron 109 reclamacións só no Condado de Galway.
Fonte: Galway Independent
20 de marzo de 2013
Máis de 1000 mozas e mozos presentaron unha petición que esixe ao Concello da localidade galesa de Carmarthen e a outras autoridades facer o posible para que poidan vivir en galés.
Fonte: This is South Wales
Boletín
Subscríbase ao boletín
