O Instituto Nacional de Estatística (INE) publicou unha radiografía do sector editorial do Estado español. Segundo estes datos, en Galicia editáronse en 2012 un total de 2660 libros (o 45 % deles en lingua galega).
Fonte: Letras en Obras
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
20 de marzo de 2013
O secretario xeral de Política Lingüística, Valentín García, asistiu ao acto de nomeamento do profesor e académico da lingua galega Manuel González González como Fillo Predilecto do Concello de Mazaricos.
Fonte: Xunta de Galicia
20 de marzo de 2013
A Xunta de Andalucía vai formar por primeira vez a policías locais en lingua de signos co obxectivo de mellorar a súa capacitación e a súa atención ás persoas xordas nos seus labores de seguridades e protección que realizan nos seus respectivos municipios.
Fonte: Europa Press
20 de marzo de 2013
A Fundación do FC Barcelona e a Plataforma per la Llengua impulsaron unha guía lingüística para fomentar o uso do catalán entre os máis pequenos no mundo do deporte como vía de “inclusión e cohesión social”, con testemuñas de ex deportistas azulgrás e recoñecidos xornalistas.
Fonte: La Vanguardia
20 de marzo de 2013
O Goberno de Afganistán anuncia o seu desexo de prohibir o uso do que chama “idiomas e dialectos estranxeiros” nos medios de comunicación afgáns. O Goberno tamén lle pediu ao Ministerio de Información e Cultura e ao Ministerio de Educación Superior que fagan un esforzo para incentivar os idiomas e dialectos nacionais.
Fonte: Hispan TV
19 de marzo de 2013
O BNG de Ferrol pide que os concelleiros da corporación municipal cumpran coa obriga de expresarse en galego, tal e como recolle a Ordenanza Municipal de Normalización Lingüística.
Fonte: La Voz de Galicia
19 de marzo de 2013
A Coordinadora Galega de Equipos de Normalización e Dinamización Lingüística (CGENDL) demandou que se garanta que os alumnos adquiran "unha competencia plena" en lingua galega ao finalizar a Educación Secundaria Obrigatoria (ESO).
Fonte: Galicia Hoxe
19 de marzo de 2013
O presidente da Xunta, Alberto Núñez Feijóo, comunicou a decisión do Goberno galego de asumir as distintas sentenzas xudiciais sobre o Decreto do plurilingüismo, que avalan o equilibrio lingüístico e a ambición de incorporar unha terceira lingua á Educación Pública e que o consideran conforme á Lei de normalización lingüística aprobada por unanimidade en 1983.
Fonte: Xunta de Galicia
19 de marzo de 2013
A principal novidade que incorpora o portal é a sección Komunitatea, que lles permite aos docentes de Formación Profesional subir á web o material xerado por eles mesmos en éuscaro e compartilo. Ese material, pertencente á totalidade das familias de FP, está a disposición de calquera usuario de forma libre e gratuíta.
Fonte: Euskara
18 de marzo de 2013
Por primeira vez en case 20 anos, escolas públicas de Gaza apréndenlles hebreo aos seus alumnos e a demanda supera xa o número de profesores cualificados. Trátase dun programa de ensino desta lingua promovido pola multitude de palestinos que aprenderon hebreo durante anos de traballo en Israel.
Boletín
Subscríbase ao boletín
