O Equipo de Normalización e Dinamización Lingüística (ENDL) deste instituto persegue con este certame recoñecer a importancia dos blogs como ferramenta didáctica e a súa utilidade para a motivación do alumnado e tamén fomentar o emprego activo das TIC e a creación de espazos positivos para o galego, amais de aumentar o uso desta lingua na rede.

Fonte: Código Cero

O Museo Arqueolóxico de Alacant impulsa a integración cultural das persoas xordas a través de percorridos impartidos por guías con discapacidade auditiva. O Departamento de Didáctica do museo desenvolveu esta novidosa iniciativa en colaboración coa Asociación de Persoas Xordas de Alacant –APESOA- co obxectivo de mellorar a calidade de vida e favorecer a autonomía e integración deste colectivo nos distintos ámbitos sociais.

O único Estado oficialmente cuadrilingüe de Europa, Suíza, conmemorou estes últimos días o 75 aniversario da declaración do romanche como lingua nacional do país. Porén, esta declaración non comportou automaticamente a oficialidade do idioma que tivo que esperar ata o ano 1996.

Fonte: Nationalia

A revista vén sendo publicada desde 1990, e ten como obxectivos promover a investigación sobre a lingua galega e darlles publicidade aos aspectos lingüísticos considerados de maior relevancia no momento da súa publicación.