Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Co apoio de Innovación Educativa e da Facultade de Filosofía e Letras da Universidade de Navarra, desenvolveuse Lingua 2.0, un portal de axuda e consulta permanente en español e inglés no ámbito académico e profesional destinado a toda a comunidade universitaria e a todas as persoas que queiran desenvolver as súas habilidades comunicativas.
Fonte: Universia
O ministro de Lingua Galesa rexeita os novos requisitos legais que garantirían que os falantes de galés puidesen empregar esta lingua ao se dirixiren aos servizos públicos ou a empresas privadas.
Fonte: BBC
O presidente da Asemblea Nacional francesa admite que os socialistas non poderán mudar a Constitución e engadir unha referencia ás linguas rexionais francesas, requisito "ineludible" para ratificar a Carta Europea das Linguas Rexionais ou Minorizadas. Por este motivo, algúns partidos políticos conclúen que o presidente Hollande está abandonando a súa promesa electoral.
Fonte: Nationalia
O conselleiro de Cultura, Educación e Ordenación Universitaria, Xesús Vázquez Abad, recibiu a unha delegación conformada por representantes de organizacións de India para abordar as posibilidades de colaboración entre Galicia e India, en especial nas áreas de aprendizaxe de linguas, formación profesional e programas educativos europeos.
Fonte: Xunta de Galicia
O secretario de Estado de Xustiza, Fernando Román, asegurou que está de acordou con que se debe normalizar o uso do catalán na Administración de Xustiza, pero negou que o Goberno central poida adoptar medidas encamiñadas a incrementar o número de sentenzas que se ditan nesa lingua.
Fonte: Diario Vasco
O novo portal de intercambio de arquivos, Mega, xa está dispoñible en 32 idiomas distintos, entre os que se inclúe o catalán. Despois de seis semanas de vida e grazas á colaboración dos usuarios do servizo, Mega está dispoñible en novos idiomas.
Fonte: Yahoo Finanzas
O Concello escocés de Angus presentou o primeiro programa de protección da lingua gaélica que fixa as aspiracións en materia lingüística para os próximos cinco anos. O obxectivo é contribuír á visión do Goberno escocés á hora de garantir un futuro para a lingua.
Fonte: The Courier
Entre todas as linguas faladas polos pobos indíxenas no Brasil algunhas corren o risco de desaparecer, segundo mostra un estudo realizado en novembro de 2012.
Fonte: Terra
A Consellería de Cultura, Educación e Ordenación Universitaria, a través da Secretaría Xeral de Política Lingüística e da Dirección Xeral de Educación, Formación Profesional e Innovación Educativa, convoca o concurso Imaxina Cantares!. A iniciativa, dirixida aos equipos de dinamización da lingua galega (EDLG) dos centros de ensino galegos de titularidade pública, enmárcase nas accións coas que a Xunta de Galicia se suma á conmemoración do 150.º aniversario da publicación de Cantares Gallegos, obra inaugural do Rexurdimento galego.
O Instituto Etxepare publicou en éuscaro, inglés e, por primeira vez, en francés, o libro Danza vasca, de Oier Araolaza, unha obra de divulgación sobre as manifestacións “máis vivas” da danza en Euskadi.
Fonte: ABC
Subscríbase ao boletín
