Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    23 de xaneiro de 2009

    Os votantes de Nashville rexeitaron a proposta pola cal a capital da música country se podería converter na maior cidade estadounidense en ter o inglés como lingua oficial na Administración local.

    Fonte: Reuters

    23 de xaneiro de 2009

    Notificacións da Administración aos cidadáns, letreiros institucionais ou o consentimento informado. Todo estará en galego e en castelán se o candidato do PPdeG, Alberto Núñez Feijóo, logra chegar á presidencia da Xunta.

    Fonte: El Correo Gallego

    23 de xaneiro de 2009

    A Viceconsellería de Política Lingüística segue adiante con Euskara Mintzagai, unha colección de libros que ten como obxectivo afondar no coñecemento do éuscaro a través da análise da súa presenza en ámbitos distintos: desde a literatura á toponimia, pasando pola diáspora vasca. Tras publicar os dous primeiros números, Euskararen geografía historikoa (Xeografía histórica do éuscaro) e Ahozko hitzetatik idatzietara (Da palabra oral á escrita), agora pon en circulación Euskal Herriko prentsa XVIII.

    23 de xaneiro de 2009

    Segundo o lingüista español Eduardo Lago, o idioma español non só ten garantida a súa presenza en EEUU no futuro senón que "nalgún momento do século XXI se converterá na lingua referente en Estados Unidos, co maior número de castelanfalantes no mundo, por encima de México".

    Fonte: Impre

    23 de xaneiro de 2009

    A primeira reunión da Comisión de Estatutos da Universidade de Oviedo supuxo a presentación de varias emendas, en concreto, 106, aos estatutos actuais, con vistas á súa obrigada modificación. Entre elas, non poucas sorpresas, como a proposta de emenda para o «uso do asturiano como lingua propia da Universidade de Oviedo, que debe ser empregada en igualdade de condicións e garantíndose a non discriminación», presentada por un grupo de claustrais entre os que figura a profesora Paz Andrés, principal referencia da oposición universitaria.

    23 de xaneiro de 2009

    O servizo do Observatorio da Oficina da Lingua Bretoa publica o seu balance anual do ensino de bretón para adultos no que se reflicte que 4880 persoas seguiron os cursos durante o ano 2008 o que supón un incremento do 6% respecto a 2007.

    Fonte: OLB

    23 de xaneiro de 2009

    Portugal e España comprometéronse, no Cumio Ibérico, a avanzar co ensino do portugués en España e do español en Portugal. Segundo a Agência Lusa, os xefes de Estado cualificaron este proceso como de grande importancia.

    Fonte: TVI

    23 de xaneiro de 2009

    Aínda que sen data definitiva fixada, segundo a voceira do Consello de Ministros, Janira Hopffer Almada (ministra de Presidencia e de Asuntos Parlamentarios), o acordo deberá entrar en vigor entre xullo e agosto, co fin de darlles tempo aos manuais para que o próximo ano lectivo introduzan as alteracións.

    Fonte: Sol

    23 de xaneiro de 2009

    A asociación Chambra d'Oc, despois da realización e o éxito da manifestación "Occitània a pé" organizada en favor do recoñecemento do occitano como patrimonio mundial inmaterial da humanidade, agora propón o proxecto "Chaminem per òc". Un proxecto co que se pretende facer unha rede, dos Vales occitanos en Piemonte á Occitania grande en Francia ao Val de Arán en Cataluña, de percorridos de sendeirismo para descubrir o territorio, a lingua e a cultura occitana, co obxectivo de difundir a solicitude de inscrición desta lingua na lista da UNESCO como patrimonio inmaterial da humanidade.

    23 de xaneiro de 2009

    A Plataforma «No Hablamos Catalán» (NHC), integrada por máis de corenta entidades políticas, sociais e culturais de Aragón, Valencia e Baleares, leva recollidas máis de 6000 firmas en contra de que o catalán sexa considerado «lingua propia» en Aragón.

    Fonte: ABC

    Boletín

    Subscríbase ao boletín

    Logo Feder