A extensión do programa de bilingüismo na provincia de Málaga é máis ca evidente. Actualmente 124 centros docentes desenvolven este programa, dos que 12 se incorporaron este curso escolar.
Fonte: Málaga Hoy
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A extensión do programa de bilingüismo na provincia de Málaga é máis ca evidente. Actualmente 124 centros docentes desenvolven este programa, dos que 12 se incorporaron este curso escolar.
Fonte: Málaga Hoy
O inglés é a lingua internacional dos negocios e do comercio, pero a súa época de predominio en internet podería chegar á súa fin. Unha infografía que circula por internet destaca o aumento dos usuarios da web chineses e suxire que o chinés podería ser a lingua dominante de internet dentro de cinco anos.
Fonte: FoxNews
O Concello de Ferrol reedita, coincidindo coa época de Nadal, a campaña de dinamización lingüística "En galego, con moito gusto", coa finalidade de promover a presenza social do idioma galego nos mercados municipais de Ferrol.
Fonte: La Voz de Galicia
Desde o 26 de decembro, a Asociación de Internet de Israel (ISOC-IL) permite que calquera persoa rexistre nomes de dominio en hebreo co sufixo "il" (por exemplo, www.שלום.co.il) a través da páxina web de ISOC.
Fonte: Forward
O decreto que crea o Inventario Nacional da Diversidade Lingüística foi publicado no Diario Oficial da Unión. O inventario ten como obxectivo identificar e documentar os idiomas dos diferentes grupos que forman a sociedade brasileira.
Fonte: Jornal da Ciência
Na Universidade Internacional de Novi Pazar, en Serbia, realizouse un seminario dun día de duración sobre o impacto do idioma persa nas linguas rexionais dos Balcáns.
Fonte: Tehran Times
O Goberno vasco aprobou dúas propostas da conselleira de Cultura, Blanca Urgell, para a concesión de dúas subvencións, de 50.000 euros cada unha, ao Concello de La Puebla de Arganzón e ao Concello de Condado de Treviño para o fomento do éuscaro nos devanditos municipios burgaleses.
Fonte: Europa Press
Os sistemas de tradución simultánea deron un paso máis cunha nova aplicación, deseñada para iPhone, que utiliza a tecnoloxía de realidade aumentada. A nova utilidade chámase Word Lens e permite traducir palabras en tempo real a través da cámara do teléfono.
Fonte: Linguamón
Galegolab.org quere encher o baleiro que existe a día de hoxe no eido das guías (telefónicas e de negocios) no que a informar do emprego do galego se refire.
Fonte: Código Cero
O sistema operativo Chrome está dispoñible xa tanto en galego coma en éuscaro desde o pasado 19 de decembro, polo que se converten xunto co chinés nos primeiros idiomas en teren traducidos todos os ficheiros ao 100 %.
Fonte: Código Cero
Subscríbase ao boletín