A Xunta de Galicia impulsa o coñecemento e pon en valor a riqueza e variedade dos ritos e recitados infantís a través da serie audiovisual As brincadeiras da lingua, realizada pola coñecida compañía teatral Migallas, ao abeiro do Fondo de Proxectos Culturais Xacobeo 2021.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de febreiro de 2021
22 de febreiro de 2021
A Xunta de Galicia conmemorou o domingo 21 o Día Internacional da Lingua Materna cunha actividade familiar de dinamización lingüística dirixida aos máis cativos, que será retransmitida en streaming desde a Cidade da Cultura e con acceso libre e gratuíto.
19 de febreiro de 2021
O Centro Nacional de Investigación Científica de Francia (CNRS, polas súas siglas en francés) presentou o sitio de internet Pangloss que reúne rexistros sonoros de linguas sen tradición escrita que están a piques de desaparecer.
Fonte: Mediabask
19 de febreiro de 2021
O departamento federal de Asuntos Exteriores de Suíza e o cantón de Graubünden organizan a primeira Semana da Lingua Romanche co obxectivo de promocionar o romanche e salientar a súa importancia no plurilingüismo do país helvético.
Fonte: Expatica
19 de febreiro de 2021
Como cada 21 de febreiro, a Organización das Nacións Unidas para a Educación, a Ciencia e a Cultura (UNESCO) conmemora en todo o mundo o Día Internacional da Lingua Materna co fin de lembrar a responsabilidade de todas as persoas e Estados na promoción e protección do plurilingüismo e da diversidade lingüística e cultural. A celebración deste ano é un chamada á clase política, educadores e familias a que reafirmen e se comprometan aínda máis coa educación plurilingüe para promover a recuperación da educación tras os efectos da pandemia da covid-19.
19 de febreiro de 2021
A lei de plurilingüismo chegará o vindeiro curso aos centros de secundaria, polo que preto de setenta institutos subscribiron unha carta na que lamentan que a súa implantación suporá un retroceso nas horas de valenciano que impartirán respecto ás actuais.
Fonte: Levante-EMV
19 de febreiro de 2021
O Concello de Donostia destinará unha partida de 10 000 euros a subvencionar a sinalización exterior e interior en éuscaro de comercios e hostalería. O obxectivo destas axudas é avanzar no proceso de normalización desta lingua na cidade e incrementar o seu uso no ámbito socioeconómico.
19 de febreiro de 2021
Baixo o título Termos esenciais de vacinas, a Universidade de Santiago publicou en liña unha listaxe integrada por 125 termos que describen conceptos relacionados co ámbito dos antíxenos, as súas tipoloxías e as campañas de inmunización.
19 de febreiro de 2021
A Xunta de Galicia pon en marcha o proxecto audiovisual Gastronomía para non perderse, unha serie documental que ten como obxectivo poñer en valor os produtos tradicionais da cociña galega, a través de cinco entregas conducidas polo xefe de cociña André Arzúa.
18 de febreiro de 2021
A Xunta de Galicia impulsou a campaña #aculturasegue co obxectivo de fomentar o consumo cultural debido ao impacto da pandemia da covid-19 no sector. Esta campaña estase a promover nas distintas redes sociais, pero non en TikTok, xa que esta plataforma non admite o galego.
Boletín
Subscríbase ao boletín
