O secretario xeral de Política Lingüística, Valentín García, e o presidente da Real Academia Galega (RAG), Víctor Freixanes, clausuraron o Simposio María Victoria Moreno, organizado pola RAG coa colaboración da Consellería de Cultura e Turismo para pechar os actos arredor da autora a quen se lle dedicaron as Letras Galegas este 2018.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
29 de novembro de 2018
O Simposio María Victoria Moreno pecha os actos dedicados este ano á autora homenaxeada o 17 de maio
28 de novembro de 2018
A Oficina de Normalización Lingüística de Xixón organiza o concurso ‘Xixón Fala en 3’ que ten como obxectivo fomentar o emprego do asturiano sobre calquera temática.
Fonte: Asturies.com
28 de novembro de 2018
Braga acolleu a xunta de constitución da Rede da GaliLusofonía, na que se definiron os seus obxectivos e a súa organización interna. Entre os primeiros destacan o impulso da inclusión de contidos curriculares na lusofonía que amosen as relacións entre o portugués e o galego, ou a necesidade de promover e recuperar o patrimonio cultural común.
28 de novembro de 2018
A mostra “El aragonés, un patrimonio común” poderá verse en Huesca ata o vindeiro 3 de xaneiro, para logo trasladarse a outras localidades. Con esta exposición itinerante preténdese, por unha banda, dar a coñecer o pasado e o presente do aragonés e, por outra, fomentar o respecto e o recoñecemento da diversidade cultural e lingüística de Aragón.
Fonte: El Periódico de Aragón
28 de novembro de 2018
A iniciativa europea Minority Safepack, que reclamaba máis protección para as linguas minorizadas de Europa, será adiada ata a próxima lexislatura xa que os seus promotores non confían das intencións da Comisión Europea neste ámbito.
Fonte: Nationalia
28 de novembro de 2018
Investigadores da Universidade de Cardiff publicaron un informe baseado nun proxecto que pretende sensibilizar sobre a importancia das linguas modernas no ensino secundario e promover o seu estudo nas escolas.
Fonte: Wales247
28 de novembro de 2018
O colexio de Rubiáns, en Vilagarcía de Arousa, impulsa unha iniciativa para promover entre o alumnado unha alimentación saudable mentres se fomenta o uso do galego.
Fonte: Canal Rías Baixas
28 de novembro de 2018
A conselleira de Educación, Universidade e Formación Profesional, Carmen Pomar, conmemorou os 40 anos da Constitución Española nunha xornada de celebración co alumnado do CEIP Apóstolo Santiago, da capital galega, nun acto no que participou tamén o secretario xeral de Política Lingüística, Valentín García.
Fonte: O Portal da Lingua Galega
27 de novembro de 2018
O País de Gales conta cun novo comisario responsable da promoción da lingua galesa. Trátase do ex-parlamentario Aled Roberts que substitúe a súa homóloga Meri Huws.
Fonte: BBC
27 de novembro de 2018
O Parlamento de Portugal aproba a partida orzamentaria que permitirá a contratación de 25 intérpretes de lingua de signos portuguesa no servizo nacional de saúde.
Fonte: Jornal de Negócios
Boletín
Subscríbase ao boletín
