Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    03 de xaneiro de 2020

    O secretario xeral da Emigración, Antonio Rodríguez Miranda, mantivo un encontro con María Jesús Rodríguez García, presidenta do Lar Galego de Pamplona, quen lle deu conta das recentes actividades desenvolvidas por esta comunidade galega, a única existente nesta rexión e que leva máis de sesenta e cinco anos espallando e divulgando a cultura galega.

    Fonte: O Portal da Lingua Galega

    02 de xaneiro de 2020

    O programa Nadal en Rede, impulsado desde a Rede de Dinamización Lingüística (RDL) da Xunta de Galicia, dálle a benvida ao aninovo coa peza teatral O vixilante dos soños, que chega da man da dramaturga e actriz Ana Carreira e Ubú Teatro á Cañiza, Cuntis, Pontedeume e A Pobra do Caramiñal.

    Fonte: O Portal da Lingua Galega

    02 de xaneiro de 2020

    O Concello de Carral vén de convocar unha nova edición do Premio de Poesía. Trátase da edición número 23 deste galardón, un concurso de referencia no ámbito da poesía galega. O prazo para a presentación de exemplares estará aberto até o día 3 de abril. O certame está dotado con 2500 euros e a obra gañadora poderá publicarse en Edicións Espiral Maior. 

    Fonte: Nós Diario

    02 de xaneiro de 2020

    A influencia das redes sociais pode ter un impacto nos baixos resultados obtidos en lingua maltesa polo alumnado de secundaria no exame oficial da Educación Secundaria Obrigatoria de Malta.

    Fonte: Times of Malta

    02 de xaneiro de 2020

    No ano 2019 o audiovisual galego conmemora os 30 anos da estrea das tres primeiras longametraxes en lingua galega: Sempre Xonxa, Continental e Urxa. Para celebralo, o Consello da Cultura Galega, en colaboración coa Corporación de Radio Televisión de Galicia, creou un sitio web cuxo obxectivo é reivindicar estes tres filmes como parte esencial da cultura galega contemporánea.

    Fonte: Consello da Cultura Galega

    31 de decembro de 2019

    A institución da Comunidade de Países de Lingua Portuguesa (CPLP) responsable da defensa e promoción da lingua portuguesa, o Instituto Internacional da Lingua Portuguesa, ten unha situación financeira grave por mor dunha débeda de 600 mil euros.

    Fonte: Jornal de Notícias

    31 de decembro de 2019

    O Goberno de Suíza implementará novas leis para garantir que os residentes estranxeiros teñan competencia en tres linguas oficiais: alemán, francés e italiano.

    Fonte: The Local

    31 de decembro de 2019

    A Deputación de Guipúscoa comprométese, co acordo asinado coa Consellería de Política Lingüística do Goberno vasco, a destinar 42 457 euros á liña de axudas dirixida ao alumnado dos euskaltegis, que asegura dende 2020 a gratuidade dos estudos de éuscaro ata a acreditación do nivel B2 segundo o marco europeo.

    Fonte: Noticias Press

    31 de decembro de 2019

    Segundo o informe elaborado polo Consello Escolar de Navarra, arredor do 40 % dos 109 734 estudantes escolarizados na Comunidade Foral en 2018-19 estudaba éuscaro, dos cales un 25 % o facía no modelo de inmersión lingüística (modelo D) e o resto como materia (modelo A).

    Fonte: Noticias de Navarra

    31 de decembro de 2019

    Este proxecto, posto en marcha polo concello bilbaíno en colaboración cos euskaltegis, busca promover o uso do éuscaro no tempo libre, especialmente entre persoas que están aprendendo, con actividades para xaneiro como talleres gastronómicos, degustacións, visitas guiadas a museos e sesións de danza vasca.

    Fonte: Noticias Press

    Boletín

    Subscríbase ao boletín

    Logo Feder