Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Asociación de Investigadores AgroMar organiza unha nova edición desta iniciativa que ten como obxectivo fomentar o uso do galego como ferramenta para a comunicación científica e visibilizar o traballo do persoal investigador do campus de Lugo.
Fonte: Consello da Cultura Galega
Ao longo dos meses de decembro e xaneiro proxectaranse de xeito gratuíto cinco películas no marco do ciclo de cine familiar en valenciano.
Fonte: El Periòdic
O concurso de creatividade audiovisual Arnasetik recibiu un total de 112 traballos sobre temas relacionados co éuscaro elaborados por mozas e mozos de entre 10 e 16 anos.
Fonte: Gobierno Vasco
O secretario xeral de Política Lingüística, Valentín García, participou na presentación da guía Rutas polo pasado xudeu de Galicia, elaborada por María Gloria de Antonio Rubio, axudante de investigación do Instituto de Estudos Galegos Padre Sarmiento.
Fonte: O Portal da Lingua Galega
O Goberno de Eslovenia incrementará os requisitos lingüísticos en lingua eslovena para os cónxuxes estranxeiros que queiran solicitar reunificación familiar.
Fonte: Schengen Visa
O municipio portugués de Matosinhos, na área metropolitana do Porto, ofrece un servizo gratuíto de interpretación en lingua de signos co obxectivo de garantir a integración social de todas as persoas xordas.
Fonte: CM Matosinhos
Os premios a curtas de animación en galego «Nós tamén creamos!» están dirixidos ao alumnado de Educación Infantil e Primaria e organízase en catro categorías con cadanseu premio.
Fonte: Consello da Cultura Galega
O Goberno sinala como única forma válida e oficial dos topónimos a galega que, polo tanto, é a que debe ser utilizada.
Fonte: Galicia Confidencial
Do 23 ao 29 de novembro celébrase o X Viquimarató de la Llengua Catalana, que estará dedicado ao vocabulario deportivo e no que poderán participar persoas e entidades dos territorios de fala catalá.
Fonte: Generalitat de Catalunya
A Universidade do País Vasco presentou un informe sobre a situación e a evolución do éuscaro na institución. Neste estudo conclúese que o 54 % do alumnado está matriculado en éuscaro e o 66 % do persoal docente e investigador é bilingüe.
Fonte: Onda Vasca
Subscríbase ao boletín
