Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    09 de novembro de 2020

    Os concellos de Lezo, Oiartzun e Pasaia, coa colaboración da Comisión de Éuscaro de Oarsoaldea, ofrécenlles aos establecementos hostaleiros códigos QR para poñer os seus menús en éuscaro.

    Fonte: Diario Vasco

    09 de novembro de 2020

    Ames pon en marcha un novo certame que ten como obxectivo estimular a creatividade en galego entre a mocidade, animar a creación de vídeos nesta lingua con novos formatos e temáticas e darlle visibilidade á comunidade de tiktokers de Galicia.

    Fonte: Concello de Ames

    09 de novembro de 2020

    Este obradoiro grupal de lingua e cultura galegas ten como obxectivo apoiar a inclusión sociolaboral da poboación inmigrante e axudar á súa inserción no mercado laboral. Terá unha duración de 20 horas e seguirá as unidades básicas do Celga 1.

    Fonte: Cáritas

    06 de novembro de 2020

    A Comisión Europea e a Axencia dos Dereitos Fundamentais da Unión Europea publicaron en todas as linguas oficiais da Unión Europea a guía Menores privados de coidados parentais na UE fóra do Estado membro de orixe.

    Fonte: FRA Europa

    06 de novembro de 2020

    O Proxecto de Lei 4990/20 da Cámara de Deputados do Brasil obrigará o sistema público de ensino a empregar a lingua de signos brasileira como primeira lingua de instrución para o alumnado xordo.

    Fonte: Money Times

    06 de novembro de 2020

    A Secretaría de Políticas Lingüísticas de Paraguai anunciou que a Academia da Lingua Guaraní aprobou a creación do primeiro dicionario de guaraní, idioma oficial do país xunto ao español.

    Fonte: La Vanguardia

    06 de novembro de 2020

    A Universidade do País Vasco acaba de presentar o centro HiTZ que aspira a converterse nun referente en tecnoloxías lingüísticas e intelixencia artificial, en plena expansión polo auxe dos tradutores automáticos e os asistentes por voz.

    Fonte: Naiz

    06 de novembro de 2020

    Segundo a tese de doutoramento A ideoloxía na para/tradución e nos transvases de información: análise da situación da prensa en galego, da investigadora da Universidade de Vigo Silvia Duarte, ata 2020 que apareceu Nós Diario, a lectura de prensa nesta lingua era dependente e complementaria da española, xa que, fronte ao lector desta última, que tiña unha visión global do que acontece no mundo, o da galega adquiría unha visión localista, rexionalista e centralista.

    06 de novembro de 2020

    O 5 de novembro de 1876 o semanario O Tío Marcos d'a Portela publicou unha folla promocional de máquinas de coser Singer en galego. Foi a primeira vez que se usou esta lingua para un anuncio publicitario.  

    Fonte: Galicia Confidencial

    06 de novembro de 2020

    O Moviment per l’escola en català, integrado por varias entidades, ten como obxectivo axudar a que o alumnado, ao finalizar o ensino obrigatorio, sexa suficientemente competente en catalán e perciba esta lingua como propia, algo que non acontece na actualidade, segundo demostra a Enquisa de Usos Lingüísticos.  

    Boletín

    Subscríbase ao boletín

    Logo Feder