Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    08 de marzo de 2024

    Ao abeiro desta conmemoración, celébranse as XVI Xornadas Martín Sarmiento e preséntase o primeiro Dicionario do Galego do Bierzo. Así mesmo, farase entrega do IV Premio Antonio Fernández Morales.

    Fonte: Consello da Cultura Galega

    08 de marzo de 2024

    Un estudo elaborado na Universidade de Texas revela que o tamaño e composición do núcleo familiar pode influenciar o desenvolvemento lingüístico das persoas.

    Fonte: Neoroscience

    08 de marzo de 2024

    O Ministerio de Educación e Lingua Galesa do Goberno de Gales financiará o lanzamento da plataforma Darllen Co que fomentará a comprensión lectora en lingua galesa. O recurso tamén está pensado para que as familias poidan axudar os seus fillos e fillas a ler en galés.

    Fonte: Llywodraeth Cymru/Welsh Government

    07 de marzo de 2024

    Esta iniciativa ten como obxectivo a promoción da regueifa entre a cidadanía e consistirá nunha competición por parellas que se desenvolverá nos establecementos de hostalaría que se sumen á actividade como colaboradores.

    Fonte: Concello de Carballo

    07 de marzo de 2024

    A “Declaración de Bimenes” ten como obxectivo recoñecer o asturiano e o eonaviego como dereitos culturais inherentes, o que implicaría a declaración de oficialidade destas dúas linguas.  

    Fonte: Asturies.com

    07 de marzo de 2024

    Este novo documento sobre a oficialidade do catalán, o éuscaro e o galego presentarase na reunión que celebrarán os países da Unión Europea en Bruxelas o vindeiro 19 de marzo.

    Fonte: EuroEFE

    06 de marzo de 2024

    O festival de cinema XIX Panorama Internacional Coisa de Cinema organiza na cidade da Baía (O Brasil) a mostra Kaoguiamo que proxectará filmes en lingua portuguesa de catro países africanos lusófonos.

    Fonte: Bahia

    06 de marzo de 2024

    O servizo de lingua islandesa BÍN lanzou a aplicación BÍN-kjarninn que será un novo recurso de referencia en liña para falantes nativos de idioma islandés e para aquelas persoas que o falan como segunda lingua.

    Fonte: Iceland Review

    06 de marzo de 2024

    A Asemblea Xeral da Federación Internacional de Tenis de Mesa (ITTF, polas súas siglas en inglés) decidiu incorporar o portugués como lingua oficial da entidade.

    Fonte: CBTM

    06 de marzo de 2024

    O Premio ao Uso do Valenciano nas Fallas de Catarroja 2024 ten como obxectivo recoñecer e fomentar o emprego desta lingua nos monumentos falleros e contribuír así á súa posta en valor nunha festa tan tipicamente valenciana.  

    Fonte: El Periòdic

    Boletín

    Subscríbase ao boletín

    Logo Feder