Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    25 de outubro de 2019

    A Asemblea Xeral do Comité Paraolímpico Internacional votará se inclúe o portugués como lingua de traballo da organización.

    Fonte: TSF

    25 de outubro de 2019

    O Concello de Vigo, no marco da campaña “Meu: coñecéndonos, descubríndonos”, organiza o curso “A cultura do mar”, co obxectivo de que as persoas asistentes amplíen o seu coñecemento sobre a cultura, o léxico e a toponimia marítimos.

    Fonte: Consello da Cultura Galega

    25 de outubro de 2019

    A conselleira de Cultura do Goberno catalán explicou as principais liñas da política lingüística con respecto ao aranés, unha lingua que se compromete a impulsar e defender.  

    Fonte: Generalitat de Catalunya

    25 de outubro de 2019

    Segundo un informe elaborado polo sindicato CC. OO., desde o curso 2007-2008, o número de matriculacións en lingua asturiana descendeu un 14,5 % en Primaria e un 8 % en Secundaria, mentres que no Bacharelato a súa presenza é testemuñal.

    Fonte: El Comercio

    25 de outubro de 2019

    A Universidade de Santiago de Compostela acollerá unha nova edición das xornadas de divulgación en lingua galega “Habelas, hainas”, un acto no que, entre outros aspectos relacionados co ámbito matemático, haberá unha intervención sobre a utilidade dos tradutores automáticos no eido das matemáticas.

    Fonte: Universidade de Santiago de Compostela

    25 de outubro de 2019

    O Parlamento de Estonia votou a favor de que o Goberno do país báltico aprobe unha lei que garanta a promoción da lingua estoniana no sistema educativo en detrimento do ruso.

    Fonte: ERR

    25 de outubro de 2019

    Nace en Luxemburgo Antena Mais, unha radio de difusión electrónica en lingua portuguesa. A emisora está pensada para a comunidade portuguesa do país e privilexiará a música en portugués.

    Fonte: RevistaPORT 

    24 de outubro de 2019

    Once concellos galegos acollen ata o domingo outras tantas actividades impulsadas pola Xunta de Galicia no marco do programa de dinamización lingüística FalaRedes e da campaña Nós contra a violencia.

    Fonte: O Portal da Lingua Galega

    24 de outubro de 2019

    O secretario xeral de Política Lingüística, Valentín García, visitou, con motivo do Día da Biblioteca, os CEIP Xaquín Loriga de Lalín e Plurilingüe de Oca da Estrada, para coñecer de primeira man o traballo de promoción do uso do galego que os seus equipos de dinamización da lingua están realizando desde as bibliotecas escolares.

    Fonte: O Portal da Lingua Galega

    24 de outubro de 2019

    O secretario xeral de Política Lingüística, Valentín García, e o director da Agadic, Jacobo Sutil, fixeron entrega do premio incluído no sorteo da actividade “O galego crea ambiente”, unha campaña de verán dirixida á mocidade no marco dos festivais adheridos á iniciativa Fest Galicia.

    Fonte: O Portal da Lingua Galega

    Boletín

    Subscríbase ao boletín

    Logo Feder