Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    02 de setembro de 2020

    Co obxectivo de incrementar a presenza do éuscaro nos establecementos comerciais e na hostalería, o Concello de Etxebarri lanza unha convocatoria de axudas coa que subvencionará con ata o 50 % os rótulos en éuscaro nos seus locais.

    Fonte: El Correo

    02 de setembro de 2020

    A Comisión Europea anunciou o lanzamento do seu concurso anual de tradución para estudantes de ensino secundario de toda Europa, Juvenes Translatores. Todas as escolas dos países da UE poderán inscribirse para participar.

    Fonte: European Commission

    02 de setembro de 2020

    O dicionario de inglés en liña Dictionary.com actualizará máis de 15000 entradas para eliminar a lingua de contido racista ou discriminatorio. O obxectivo é concienciar as persoas sobre a necesidade de usar unha linguaxe máis libre de prexuízos.

    Fonte: The Guardian

    01 de setembro de 2020

    Un grupo de farmacéuticos e farmacéuticas solicitou á Unión Europea que non sexa necesario publicar a información sobre a vacina da covid-19 en 24 linguas co fin de garantir a súa rápida distribución.

    Fonte: Livemint

    01 de setembro de 2020

    As escolas de lingua francesa do Quebec reabren aplicando as medidas de seguridade para lidar coa expansión do virus da covid-19. O presidente quebequés apoia a medida por ser positiva para o benestar emocional do alumnado.

    Fonte: CHCH

    01 de setembro de 2020

    O plan para promover o éuscaro en Donostia será aprobado nas vindeiras semanas polo Goberno local. Con este documento preténdese que se converta en lingua de traballo do persoal municipal, ademais de visibilizar unha paisaxe lingüística na que o éuscaro sexa predominante nos rótulos dos establecementos comerciais.

    01 de setembro de 2020

    O Goberno de Navarra, en colaboración con entidades locais, euskaltegis e escolas oficiais de idiomas, puxo en marcha para este curso 2020-2021 a campaña "¡La próxima en euskera! / Hurrengoan euskaraz!", que ten como obxectivo promover a aprendizaxe desta lingua.

    01 de setembro de 2020

    Unha nova lei que obriga a substituír o mongol como lingua de instrución polo chinés levantou importantes protestas nas escolas da rexión autónoma de Mongolia Interior.

    Fonte: New York Times

    01 de setembro de 2020

    Representantes das comunidades indíxenas do Brasil advertiron que se non se fai nada para deter a expansión da pandemia da covid-19, a enfermidade podería acabar coa vida de falantes vellos e pór as súas linguas ao bordo da desaparición.

    Fonte: BBC Brasil

    31 de agosto de 2020

    Abertos ao Galego, unha iniciativa da Mesa pola Normalización Lingüística para promover o galego no tecido empresarial, suma dous novos medios á listaxe de empresas xeolocalizadas na súa app: Codigo Cero e O Barbanza.

    Fonte: Código Cero

    Boletín

    Subscríbase ao boletín

    Logo Feder