A renuncia do Goberno francés a modificar a Constitución para ratificar a Carta Europea das Linguas Rexionais ou Minoritarias suscitou numerosas protestas na Bretaña e Alsacia.
Fonte: Le Parisien
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de marzo de 2013
27 de marzo de 2013
Trátase dunha iniciativa incluída dentro do programa Proba en Galego, unha campaña da Concellería de Normalización Lingüística para dinamizar o uso do galego na pequena empresa e no comercio locais, un labor continuo deste departamento dende o ano 2006.
Fonte: Concello de Pontevedra
27 de marzo de 2013
Os catro grupos representados na Cámara (PPdeG, PSdeG, AGE e BNG) aprobaron instar o Goberno de Galicia a promover, dentro do marco do diálogo, "unha postura política común" para que o galego, en tanto que lingua oficial e propia da comunidade, "conserve a súa consideración de materia troncal no ensino", fronte ás dúbidas suscitadas pola designación que dá ás linguas cooficiais o proxecto de Lei de mellora da calidade educativa.
27 de marzo de 2013
O conselleiro de Cultura, Educación e Ordenación Universitaria, Xesús Vázquez Abad, e o presidente da Fundación Eduardo Pondal, José Luís Fondo Aguiar, asinaron un acordo de colaboración polo que a consellería –a través das secretarias xerais de Cultura e Política Lingüística– e a propia fundación promoverán a realización de actividades de dinamización da lingua e a cultura galega, así como o estudo e preservación da obra do gran poeta de Ponteceso.
Fonte: Xunta de Galicia
27 de marzo de 2013
En Ondarroa reina o éuscaro. Os datos extraídos do último estudo realizado por Soziolinguistika Klusterra e o Instituto Vasco de Estatística (Eustat) confirman que se utiliza en nove de cada dez conversas da vida cotiá ao situarse nun 93,6 %. «Case a totalidade dos seus 8856 habitantes comunícase coa lingua vasca», tal e como sinala o informe. Unicamente un 4,7 % utiliza o castelán, mentres que o 1,7 % restante se decanta por outros idiomas.
Fonte: El Correo
27 de marzo de 2013
A Xarxa Dixital Catalá (Xadica) creou unha plataforma de financiamento, ao estilo da popular Verkami, que recadará fondos para proxectos que potencian a lingua e a cultura catalás, entre outros obxectivos.
Fonte: Generalitat de Catalunya
26 de marzo de 2013
A televisión Lhasa TV da Rexión Autónoma do Tibet en China lanzou unha canle en lingua tibetana. No Tibet, moitos tibetanos non entenden o chinés mandarín e máis do 80 % dos aproximadamente 2 millóns de gandeiros e pastores ven canles de televisión en lingua tibetana.
Fonte: Shanghai Daily
26 de marzo de 2013
A Academia Francesa pídelles aos lexisladores que renuncien a un proxecto de lei que pretende incentivar o éxito académico por medio da introdución de cursos en lingua estranxeira, xa que marxina a lingua francesa.
Fonte: Le nouvel Observateur
26 de marzo de 2013
Os secretarios xerais de Política Lingüística e de Cultura, Valentín García e Anxo Lorenzo, respectivamente, asistiron ao plenario extraordinario da Real Academia Galega en homenaxe a Francisco Fernández del Riego.
Fonte: Xunta de Galicia
26 de marzo de 2013
Entre as principais decisións adoptadas polo Consello de Goberno destaca a posta en marcha do Plan de Internacionalización Lingüística da Universidade de Vigo, un documento co que se pretende dotar a comunidade universitaria de competencias plurilingües e pluriculturais.
Fonte: Universidade de Vigo
Boletín
Subscríbase ao boletín
