Carlos García, responsable de crear a conta en Twitter, @twitter_en_galego, abre agora unha páxina web cos pasos que cómpre seguir para axudar a que teñamos esta rede social nesta lingua.
Fonte: Sermos Galiza
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de novembro de 2012
O Goberno de Gales lanzou unha nova estratexia deseñada para reforzar o uso da lingua galesa en sanidade. O principal obxectivo desta medida é que os falantes de galés, as súas familias e o persoal sanitario poidan expresar as súas necesidades sanitarias na súa lingua nativa.
Fonte: Wales Online
22 de novembro de 2012
A Fraternidade da Lingua Córnica nomeou a un novo oficial de desenvolvemento para axudar as asociacións a usar o córnico. A súa función será axudar e animar as organizacións a usar a lingua córnica nos seus materias de promoción e nas súas actividades diarias.
Fonte: This is the West Country
22 de novembro de 2012
O alcalde de Pamplona e a directora administrativa da Escola Navarra de Teatro asinaron un convenio de colaboración para subvencionar actividades relacionadas coas artes escénicas nas que se utilice o éuscaro como lingua de expresión.
Fonte: Europa Press
22 de novembro de 2012
Os medios de comunicación privados en éuscaro crearon Hekimen, unha asociación que servirá para unificar a súa voz e para potenciar un sector que neste momento ocupa un ámbito "reducido” e “débil”.
Fonte: ABC
21 de novembro de 2012
O CiTIUS, centro de investigación da Universidade de Santiago de Compostela, acolleu a posta en marcha da rede Tecnoloxías e análise de datos lingüísticos, integrada por seis grupos de I+D dos sectores lingüístico, informático e estatístico.
Fonte: Código Cero
21 de novembro de 2012
O navegador web de Mozilla xa está actualizado, de xeito que xa podemos descargar o Firefox 17 en galego nas súas versións para Windows, OS X e Linux.
Fonte: Código Cero
21 de novembro de 2012
O secretario xeral de Política Lingüística, Valentín García, asistiu á celebración do X aniversario da Escola Infantil Municipal da Estrada.
Fonte: Xunta de Galicia
21 de novembro de 2012
Por ser o idioma máis falado do mundo, cabería esperar que o inglés fose o máis usado tamén nos perfís de Facebook. Porén, esta tendencia está cambiando dado que o portugués se converteu na lingua que máis crece na rede social.
Fonte: Diario Digital
21 de novembro de 2012
Gmail xa está dispoñible en cheroqui. Isto significa que o servizo de correo electrónico xa está dispoñible en 57 idiomas.
Fonte: Intel Dig
Boletín
Subscríbase ao boletín
