Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura, Educación e Ordenación Universitaria colaborou un ano máis nos premios San Martiño de Normalización Lingüística, que foron entregados aos tres galardoados nun acto que se desenvolveu no Teatro Principal estradense, e no que estivo presente o secretario xeral de Política Lingüística, Valentín García.
Fonte: Xunta de Galicia
A Comisión Interuniversitaria de Política Lingüística aproveitou a celebración das Xornadas de Automatización Industrial para levar a cabo un proxecto piloto financiado pola Secretaría Xeral de Política Lingüística da Xunta de Galicia co que darlle visibilidade ao galego como lingua de transferencia de coñecemento en encontros científicos.
Fonte: Universidade de Vigo
Humor e lingua galega son os ingredientes principais das 16 curtametraxes presentadas á segunda edición de ‘Somos a curta!’, certame organizado pola Comisión de Normalización Lingüística de Ciencias da Comunicación en colaboración coa Liga Estudantil Galega.
Pódese descargar a versión en español do navegador para Windows 7, completándoa co paquete de interface de idiomas (LIP) correspondente se queremos que estea dispoñible en éuscaro, catalán ou galego.
Fonte: Código Cero
Os empregados públicos do Concello de Perpiñán (Francia) recibirán clases de catalán, segundo un acordo subscrito polo consistorio, o Consorcio pola Normalización Lingüística (CPNL) e a Consellería de Cultura da Generalitat.
Fonte: Ecodiario
O ensino do español como lingua materna no mundo hispánico “parece do século XIX”, o que se traduce nun empobrecemento do uso do idioma, segundo un estudo emprendido pola Asociación de Academias da Lingua Española.
Fonte: La información
O Servizo de Éuscaro do Concello de San Sebastián publicou e distribuíu 25 000 exemplares dunha nova edición da guía de produtos culturais e de ocio en éuscaro, “Euskara Gida 2012-2013”, que tamén está dispoñible en internet.
Fonte: ABC
O Departamento de Saúde de Filipinas lanzou o primeiro módulo de lingua de signos filipina nun esforzo por proporcionarlles servizos médicos máis eficaces aos pacientes xordos.
Fonte: Philstar
A Academia Norteamericana da Lingua Española anunciou a creación do premio Enrique Anderson Imbert, co que galardoar a traxectoria de quen contribúe á difusión e coñecemento do español en Estados Unidos.
Fonte: ABC
O Concello de Santander puxo en marcha un novo curso básico sobre a lingua de signos para facilitar o seu coñecemento a funcionarios, empregados municipais e ao público en xeral, co obxectivo de mellorar a comunicación coas persoas con capacidade auditiva.
Fonte: ABC
Subscríbase ao boletín
