A Xunta de Galicia vén de publicar no Diario Oficial de Galicia a adxudicación de 10 bolsas de formación no Centro Ramón Piñeiro para a Investigación en Humanidades, unhas axudas formativas nas que o Goberno autonómico inviste 266 414 € e coas que busca cada ano fomentar a formación e a capacitación das persoas con titulación universitaria, promovendo ao mesmo tempo o ensino, a cultura e a investigación en lingua galega.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de novembro de 2024
18 de novembro de 2024
A Xunta de Galicia recibiu este ano máis de 3500 solicitudes para certificar o nivel de coñecemento en lingua galega. Así o anunciou o conselleiro de Cultura, Lingua e Xuventude, José López Campos, que, acompañado polo secretario xeral da Lingua, Valentín García, visitou as persoas que se examinaron no instituto Antonio Fraguas de Santiago de Compostela.
15 de novembro de 2024
Cuba acolleu a primeira Conferencia Internacional do Suahili dedicada á profundización e estudo desta lingua, a máis común nos países da Unión Africana.
Fonte: Prensa Latina
15 de novembro de 2024
Co fin de promover a inclusión e os dereitos das persoas xordas, o 15 de novembro, Portugal celebra o seu Día Nacional da Lingua de Signos Portuguesa, unha das tres linguas oficiais do país.
Fonte: Jornal de Mafra
15 de novembro de 2024
O Departamento de Política Lingüística apoiou con 228 880 euros a edición de 40 proxectos de 25 empresas para impulsar os xogos de mesa en catalán e traducir obras non literarias en 2023. A iniciativa permitiu a creación de 31 xogos orixinais e a tradución doutros 9. Ademais, foron traducidos xogos de estratexia e dedución con grande éxito internacional.
15 de novembro de 2024
Os Premios San Martiño de Normalización Lingüística recoñecen o labor de persoas e entidades comprometidas coa normalización do galego. Nesta edición, a número 34, os galardoados forn o Grupo Valenciaga, na categoría "Comarca Tabeirós-Terra de Montes"; o contador Celso Sanmartín, na categoría “Galicia enteira”; e a asociación cultural Cántigas e Frores, na categoría “Unha vida enteira”.
15 de novembro de 2024
O Concello de Burriana pon en marcha unha campaña para fomentar o valenciano a través da gastronomía
A campaña ‘En valencià és més dolç’, promovida polo Concello de Burriana e outros municipios valencianos, distribuirá sobres de azucre con versos de Vicent Andrés Estellés en locais de hostalería durante novembro e decembro. Esta iniciativa busca fomentar o uso do valenciano na vida diaria e achegar a poesía á cidadanía de forma próxima e orixinal, coa integración da cultura na rutina cotiá a través da gastronomía.
15 de novembro de 2024
A nova Lei orgánica 5/2024 regula o dereito de defensa e garante o uso das linguas cooficiais nos tribunais e na relación coa Administración de Xustiza. As persoas poderán empregar o galego, catalán e éuscaro en procesos xudiciais estatais, como no Tribunal Supremo, e recibirán comunicacións nestas linguas. Asegúrase, ademais, a dispoñibilidade de servizos de tradución e interpretación cando sexa necesario.
15 de novembro de 2024
O secretario xeral da Lingua vén de participar en Cataluña nunha xuntanza cos responsables de Política Lingüística das comunidades autónomas que contan cun idioma cooficial na que compartiron as diferentes medidas que están a desenvolver nos seus territorios, e na que tamén se planificaron actuacións conxuntas de fomento e impulso do multilingüismo.
15 de novembro de 2024
Os cambios realizados na lexislación lingüística de Eslovaquia podería prohibir o uso público das linguas minorizadas e pór en risco os dereitos dos seus falantes. Concretamente, Hungría manifestou preocupación polos dereitos da minoría lingüística maxiar afincada en Eslovaquia.
Fonte: Euronews
Boletín
Subscríbase ao boletín
