Meta e a UNESCO lanzan un proxecto para mellorar a tradución automática de linguas con poucos recursos tecnolóxicos. O obxectivo é preservar a diversidade lingüística a través da intelixencia artificial.
Fonte: Tiempo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de febreiro de 2025
A Comisión sobre o Catalán no Contorno Dixital concluíu cun informe que propón un plan local de lingua en Barcelona para fomentar o uso do catalán, especialmente entre a mocidade, para o que se recomenda integrar a lingua nas políticas xuvenís, culturais e comunitarias. As propostas inclúen impulsar referentes xuvenís en internet, implicar a mocidade na creación de contidos institucionais e lanzar campañas que vinculen o catalán coa identidade barcelonesa.
11 de febreiro de 2025
O Goberno de Navarra, a través de Euskarabidea, lanza a campaña «Dales nuestro legado, dales euskera / Emaiezu hemengoa, emaiezu euskara» dirixida ás familias para fomentar o uso do éuscaro na infancia. A campaña terá ampla difusión en medios e espazos públicos e contará cun orzamento de 55 000 euros.
11 de febreiro de 2025
A Real Academia Galega e o Concello de Ames continúan co proxecto «Modo galego, actívao!», que busca incrementar o uso do galego na infancia a través de retos diarios en infantil e primaria. As actividades, deseñadas segundo avaliacións previas, implican alumnado, profesorado, familias e persoal municipal. O programa conta cunha notable adhesión e a colaboración de figuras destacadas da música, o teatro e as redes sociais.
11 de febreiro de 2025
O conselleiro de Cultura, Lingua e Xuventude, José López Campos, anunciou hoxe a próxima convocatoria da terceira edición do Premio Relato Curto Nélida Piñón, en colaboración coa Deputación de Pontevedra e o Concello de Cerdedo-Cotobade. Fíxoo nunha visita a este municipio pontevedrés, terra familiar da escritora brasileira, onde puxo en valor a importancia de recuperar, tras o parón causado pola pandemia, “este certame prestixioso, tanto pola autora á que homenaxea como polos autores aos que se ten recoñecido con este galardón”.
10 de febreiro de 2025
Presentan en Costa Rica o primeiro glosario da lingua ngäbere, unha ferramenta que busca facilitar a aprendizaxe e preservación deste idioma indíxena, promovendo a súa valorización e uso entre as novas xeracións.
Fonte: CRhoy
10 de febreiro de 2025
A cidade sarda de L'Alguer aprobou unha normativa que establece o catalán como lingua preferente no escudo e nos actos institucionais, así como nas deliberacións da xunta de goberno municipal.
Fonte: Diari de la Llengua
10 de febreiro de 2025
O alumnado do mestrado de formación do profesorado na especialidade de asturiano denuncia que a Universidade de Oviedo impide presentar todos os traballos nesta lingua. Consideran que se está vulnerando o seu dereito a empregala, mentres que o decanato argumenta que só se garante o seu uso nas materias específicas, xa que non existe unha normativa que obrigue a avaliala no resto de disciplinas comúns con outras especialidades.
10 de febreiro de 2025
EITB lanza Guau, unha plataforma gratuíta de audio que recolle contidos en éuscaro, incluíndo radio en directo, programas a demanda, podcasts e audiolibros. O seu obxectivo é fortalecer o ecosistema vasco de audio e garantir a presenza do éuscaro nos novos formatos de consumo. Guau integra as emisoras de EITB e máis de 150 podcasts e irá ampliando progresivamente o seu catálogo.
10 de febreiro de 2025
A Asociación de Medios en Galego (Amega) publicou unha guía didáctica para achegar o alumnado de secundaria á historia e á situación actual dos medios en lingua galega. A publicación, elaborada coa colaboración da Deputación da Coruña, combina coñecemento histórico e desafíos presentes, e promove o pensamento crítico sobre uso da lingua na comunicación.
Fonte: Deputación da Coruña
Boletín
Subscríbase ao boletín
