Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O presidente da Generalitat Valenciana, Alberto Fabra, avanzou que a Generalitat aprobará un decreto que permitirá recoñecer como oficiais os cursos de linguas estranxeiras que imparten as universidades públicas e privadas valencianas.
Fonte: Levante-emv
A Mesa pola Normalización Lingüística da Coruña denunciou que é "misión imposible" atopar en galego a programación completa das Festas de María Pita 2012. Segundo aclara a entidade, a ausencia de información na lingua propia non se debe á que estean esgotados os folletos, senón a que "nin tan sequera se chegaron a editar", tal e como recoñeceu o Consorcio de Turismo da Coruña a través do Twitter.
A Consellería de Cultura, Educación e Ordenación Universitaria, en colaboración coa Deputación de Ourense vén de presentar un novo programa de actividades destinado aos concellos e entidades que forman parte da Rede de Dinamización Lingüística (RDL), o primeiro proxecto global de promoción da lingua impulsado polo Goberno galego, que xa conta con máis de 120 entidades que participan nel.
Fonte: Xunta de Galicia
Os membros designados pola Secretaría de Acción Social e a Secretaría de Políticas Lingüísticas de Paraguai reuníronse co obxectivo de pór en marcha o plan que desenvolverá en tres niveis os cursos de Guaraní Comunicativo, dirixido a funcionarios da Secretaría de Acción Social.
Fonte: La Nación
Un dicionario elaborado polo lingüista Aitor Arana recolle moitos dos termos en éuscaro que se utilizaban no val de Guesálaz e en Salinas de Oro nos séculos XVIII e XIX.
Fonte: Noticias de Navarra
A nova Lei de linguas de Aragón recollerá e protexerá a pluralidade lingüística da comunidade en dúas zonas concretas –Pireneos e área oriental-, pero elimina do documento a normalización do uso do catalán.
Fonte: El Correo
O conselleiro de Cultura, Educación e Ordenación Universitaria, Xesús Vázquez Abad, participou no Carballiño na celebración da IV edición da Festa da Palabra na que foi homenaxeado o escritor Celso Emilio Ferreiro con motivo do centenario do seu nacemento.
Fonte: Xunta de Galicia
A Consellería de Cultura, Educación e Ordenación Universitaria vén de facer públicos, mediante resolucións, os resultados provisionais das probas de obtención da Certificación do coñecemento de lingua galega (Celga) nos seus catro niveis.
Fonte: Xunta de Galicia
En México só existen catro estados con áreas específicas para a atención de grupos étnicos (Hidalgo, Oaxaca, Chiapas e Veracruz). Este ultimo destaca por se o primeiro cun catálogo de linguas indíxenas e as súas variantes lingüísticas.
Fonte: El Universal
O director do Instituto Cervantes, Víctor García de la Concha, anunciou que a institución se fixou como prioridade a súa expansión en Estados Unidos, coa apertura de centros en Miami e Washington, consciente de que nos próximos anos “se xoga a función do español como segunda lingua” nese país.
Fonte: RTVE
Subscríbase ao boletín
