A conselleira asturiana de Educación, Cultura e Deporte, Ana González Rodríguez, propuxo a posibilidade de que o Principado “recoñeza o profesorado de lingua asturiana" como unha figura específica dentro do ámbito docente.
Fonte: 20 minutos
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
31 de xullo de 2012
31 de xullo de 2012
O catalán e o valenciano son o mesmo. Ou, polo menos, sono para o Tribunal Supremo, quen recoñeceu a unidade da lingua e a equivalencia entre as denominacións de catalán e valenciano.
Fonte: ABC
30 de xullo de 2012
A Real Academia Galega participou, representada polo seu presidente, no acto que o Concello de Vigo organizou no Pazo de Castrelos con motivo do Día Nacional de Galicia.
Fonte: Real Academia Galega
30 de xullo de 2012
A medida que os distritos escolares dos Estados Unidos comezan ou expanden os programas de inmersión nos que os estudantes aprenden inglés e español, hai unha maior necesidade de profesores cualificados. A Universidade de California en Riverside e o distrito escolar unificado de Jurupa colaboran na celebración de clases de preparación para o certificado de desenvolvemento académico intercultural bilingüe para profesores.
30 de xullo de 2012
O Parlamento ucraíno rexeitou as propostas da oposición que pretendían emendar a lei de linguas que daría ao ruso o status de lingua oficial nas rexións do país de fala maioritaria rusa.
Fonte: Radio Free Europe
30 de xullo de 2012
O Goberno de Navarra publicou no seu portal web (www.navarra.es) a versión en éuscaro de Lex Navarra, un catálogo que compila as normas políticas e administrativas da Comunidade Foral, permanentemente actualizadas.
Fonte: ABC
30 de xullo de 2012
Segundo os datos recollidos nunha medición realizada en outono nas rúas, o uso do éuscaro en Zarautz é do 50%. A metade dos zarautzarras utilizan o éuscaro de forma habitual, aínda que a porcentaxe de falantes de euskera é 20 puntos máis elevado, dun 70,1%.
Fonte: Diario Vasco
29 de xullo de 2012
O secretario xeral de Política Lingüística da Consellería de Cultura e Educación, Valentín García, asistiu á presentación da obra A nena levantadora de pedras. Seis pezas de teatro para nenos, do autor Cipriano Fernández Fernández. O libro recolle seis pezas de teatro escritas para seren representadas por nenos e nenas co obxectivo de que o alumnado de ensino infantil e de primaria se familiarice co xénero dramático.
Fonte: Xunta de Galicia
29 de xullo de 2012
A emisora RadioCadernos intentará converterse nunha xanela aberta á emigración e os seus contidos, esencialmente en lingua galega, abordarán noticias de toda índole, cultura ou música desde unha perspectiva aberta, galega e progresista.
Fonte: Praza Pública
27 de xullo de 2012
O secretario xeral de Política Lingüística, Valentín García, clausurou en Compostela a XXV edición do Curso de verán de lingua e cultura galegas organizado conxuntamente pola Real Academia Galega e polo Institito da Lingua Galega, en colaboración coa consellería de Cultura e Educación.
Fonte: Xunta de Galicia
Boletín
Subscríbase ao boletín
