A media europea é de 25 % e Portugal fica por debaixo deste valor: só un 13 % dos portugueses fala correctamente dúas linguas estranxeiras, unha diferenza de dez puntos porcentuais fronte á anterior avaliación en 2006.
Fonte: Público
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de xuño de 2012
A principal asociación inuit de Canadá prepara un plan para unificar a lingua escrita inuktitut co fin de que poida ensinarse nas escolas. Porén, algunhas voces críticas temen que poidan perderse algúns dialectos.
Fonte: Nationalia
25 de xuño de 2012
O secretario xeral de Política Lingüística da Consellería de Cultura, Educación e Ordenación Universitaria, Valentín García, participou na actividade “Galego de cine”, programada no marco de “FalaRedes”.
Fonte: Xunta de Galicia
25 de xuño de 2012
Estableceuse usar como criterio xeral o éuscaro en calquera documento, comunicación ou elemento creado pola Universidade do País Vasco. Así, garántese a presenza desta lingua nas diferentes áreas existentes como atención ao alumno, rotulación, relación de traballo, contratacións administrativas ou actos organizados pola propia Universidade.
Fonte: El Economista
25 de xuño de 2012
O Goberno vasco traduciu e editou en éuscaro un manual da ONU para orientar as persoas que contribúen a promover, protexer e defender os dereitos humanos.
Fonte: Europa Press
25 de xuño de 2012
A Consellería de Cultura, Educación e Ordenación Universitaria, representada polo secretario xeral de Política Lingüística, Valentín García, participou na entrega do II Premio MOME de Teatro Varela Buxán.
Fonte: Xunta de Galicia
22 de xuño de 2012
Google Inc, o xigante dos motores de busca en internet, creou un sitio web sobre linguas ameazadas co fin de contribuír a salvar as linguas en perigo do mundo. No sitio web endangeredlanguages.com os lectores poderán atopar, compartir e almacenar información sobre variedades lingüísticas que estean ameazadas de extinción.
Fonte: Time
22 de xuño de 2012
O conselleiro de Cultura, Educación e Ordenación Universitaria, Xesús Vázquez Abad, entregou os premios a curtas de animación en galego realizados coa técnica stop-motion do programa de dinamización lingüística Nós tamén creamos!
Fonte: Xunta de Galicia
22 de xuño de 2012
No curso académico que termina, o 2011-2012, a Universidade do País Vasco (UPV) ofreceu ao 87,92 % dos seus alumnos de primeiro curso a posibilidade de realizar os seus estudos integramente en éuscaro.
Fonte: El País
22 de xuño de 2012
O 63 por cento do alumnado español non comprende o inglés oral ao finalizar a Ensinanza Secundaria Obrigatoria, segundo o Estudo Europeo de Competencia Lingüística (EECL), no que participaron 14 países europeos.
Fonte: Europa Press
Boletín
Subscríbase ao boletín
