O Consello da Cultura Galega presentou un volume de Os papés d'emprenta condenada que recolle unha serie de artigos para comprender os inicios da prensa e da escrita en galego no século XIX.
Fonte: Culturagalega.org
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
08 de xuño de 2012
08 de xuño de 2012
España é o único país, dun total de 18 países europeos analizados, que ofrece aprendizaxe a idade temperá para todo tipo de idiomas e destaca por ofrecer, xunto a Dinamarca e Suíza, formación a nenos moi pequenos para o mantemento e desenvolvemento das súas linguas e culturas de orixe.
Fonte: Europa Press
08 de xuño de 2012
A iniciativa, apoiada pola Asemblea Cultural Galega de Barcelona, creouse coa idea de que cada mes, ou cada mes e medio, se xunten na cidade condal as distintas familias que queren gozar de actos lúdicos en galego e lograr que os rapaces interactúen e xoguen con outros nenos nesta lingua.
Fonte: La Voz de Galicia
07 de xuño de 2012
Un centro nacional para a promoción da lingua e a cultura chinesas foi aprobado polo Goberno chinés e será instalado na Universidade Strathclyde. O Instituto Confucio para as Escolas de Escocia ofrecerá apoio aos colexios de Escocia sobre o ensino da lingua e a cultura chinesas.
Fonte: STV
07 de xuño de 2012
As entidades Plataforma pola Lingua (Plataforma per la Llengua) e Consumo Catalán (Consum Català) recibiron un total de 1117 queixas de consumidores que detectaron déficits de uso do catalán en 2011, unha media de tres ao día, a maioría delas por non etiquetar os produtos en catalán e por falta de dispoñibilidade lingüística.
07 de xuño de 2012
Un 87 por cento dos pais escolleu o catalán como primeira opción de lingua para os seus fillos no próximo curso escolar en Baleares, fronte ao 13 por cento que escolleu o castelán.
Fonte: Europa Press
07 de xuño de 2012
Sermos Galiza, novo medio dixital en galego, está a piques de chegar aos quioscos. Cada venres desde o día 8 de xuño sairá un novo número deste semanario.
Fonte: Código Cero
06 de xuño de 2012
O presidente de Iniciativa polo Asturiano, Inaciu Galán, presentou ante a Real Academia Española (RAE) un informe destinado a redefinir o termo ‘asturiano’ no dicionario, no que actualmente figura como un dialecto e non coma unha lingua.
Fonte: El Comercio
06 de xuño de 2012
O programa NEL (Nik ere Euskaraz Lanean) nace co obxectivo de que os profesionais da hostalaría e o comercio de Tolosa se familiaricen co vocabulario e expresións básicas do seu sector en éuscaro a través de clases prácticas para que a relación laboral cos seus clientes sexa máis fluída no día a día.
Fonte: Diario Vasco
06 de xuño de 2012
A Biblioteca Pública de Zulia iniciou o curso de wayuunaiki co historiador Román Fernández para a promoción desta lingua ancestral entre a cidadanía.
Fonte: La Verdad
Boletín
Subscríbase ao boletín
