O programa de dinamización lingüística “FalaRedes”, promovido pola Consellería de Cultura e Educación, a través da Secretaría Xeral de Política Lingüistica, acada as 108 actividades.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de maio de 2012
28 de maio de 2012
O Tribunal Superior de Xustiza(TSJ) da Comunidade Valenciana dálle a razón a Acción Cultural do País Valenciano e obriga a Deputación de Castelló a aceptar e publicar no Boletín Oficial da Provincia os anuncios redactados en valenciano sen necesidade de achegar unha versión en castelán.
Fonte: Levante-EMV
28 de maio de 2012
O Departamento de Cultura da Generalitat de Catalunya anunciou a sinatura dun convenio marco de colaboración co Concello de Rodés (Mediodía-Pireneos) que permitirá cooperar mutuamente en relación cos actos, manifestacións culturais e calquera outra actividade destinada ao fomento da lingua occitana, xa sexa en Cataluña ou en Rodés.
27 de maio de 2012
Un novo modelo de financiamento para a promoción da lingua irlandesa en toda Irlanda recibiu o rexeitamento do Partido Socialdemócrata e Laborista de Irlanda do Norte.
Fonte: BBC
27 de maio de 2012
O plan para aumentar o status oficial da lingua rusa do partido gobernante de Ucraína fai desencadear violentas protestas. Trátase dun asunto sensible na ex república soviética que os opositores consideran que dividirá o país.
Fonte: The Guardian
25 de maio de 2012
A versión gratuíta da aplicación Escucha y Aprende Inglés para Android conseguiu superar as 50 000 descargas, dato que deixa constancia do interese que atrae esta ferramenta.
Fonte: Código Cero
25 de maio de 2012
Alemán, árabe, catalán, checo, chinés, eslovaco, francés, grego moderno, húngaro, inglés, italiano, polaco, portugués, ruso e xaponés son os idiomas que o Centro de Linguas Modernas (CLM) da Universidade de Santiago de Compostela ofrece este verán nos seus cursos intensivos.
25 de maio de 2012
O Goberno vasco puxo en marcha o proceso de socialización do novo Plan de acción para a promoción do éuscaro (ESEP), cuxo obxectivo principal é incrementar o uso desta lingua.
Fonte: Europa Press
25 de maio de 2012
Investigadores da Universidade Politécnica de Valencia desenvolveron un novo tradutor automático de linguas minoritarias, que permite superar a escaseza de recursos lingüísticos dos tradutores actuais.
Fonte: Europa Press
24 de maio de 2012
A Consellería de Cultura, Educación e Ordenación Universitaria continúa a pór en valor a obra e figura de Celso Emilio Ferreiro, no marco da celebración do Ano Celso Emilio, co gallo da conmemoración do centenario do seu nacemento.
Fonte: Xunta de Galicia
Boletín
Subscríbase ao boletín
