O Tribunal Superior de Xustiza de Galicia (TSXG) vén de desestimar o recurso interposto pola asociación Nova Escola Galega contra a consulta ás familias sobre as linguas no sistema educativo non universitario.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de maio de 2012
24 de maio de 2012
A Real Academia Galega (RAG) e a Fundación Pedro Barrié de la Maza asinaron un novo convenio que afonda na colaboración entre ambas as dúas institucións e que dará diversos froitos. O máis próximo, o traslado do Seminario de Lexicografía da RAG dende Santiago á sede coruñesa da Barrié, onde recibirán apoio tecnolóxico de cara a acadar o obxectivo a máis longo prazo desta colaboración: adaptar as bases de datos lexicográficos da Academia para poder ofrecer contidos como o dicionario a través de diversos soportes, como dispositivos móbiles e portais de internet.
24 de maio de 2012
Os traballadores do Mercado Municipal de São Paulo volven ás clases. Cun ollo no Mundial de Fútbol, reciben unha hora e media de clase, dúas veces por semana, para non decepcionar os turistas estranxeiros e aumentar as vendas.
Fonte: VNews
24 de maio de 2012
A organización Iniciativa polo Asturiano acaba de asinar un convenio con Splitweet, un xestor de contas de Twitter, polo que a plataforma ofrece desde agora unha versión en asturiano de todo o sistema.
Fonte: Asturnews
24 de maio de 2012
Trinta autoescolas de Biscaia ofrecen a posibilidade de recibir en éuscaro as clases teóricas e prácticas para examinarse do carné de conducir, segundo informou a Deputación nunha nota.
Fonte: ABC
23 de maio de 2012
O Premio Leixaprén, que na edición do curso 2011-2012 estivo organizado pola Coordinadora Galega de Equipos de Normalización e Dinamización Lingüística (CGENDL), recaeu na empresa compostelá Imaxin Software, que leva anos desenvolvendo programas informáticos e empregando o galego en todos os ámbitos de xestión da empresa.
Fonte: Código Cero
23 de maio de 2012
Os habitantes da comunidade indíxena de Xoxocotla (México) piden o rescate e conservación da lingua náhuatl e non só ser botín do voto para o triunfo de candidatos.
Fonte: El Sol de Cuautla
23 de maio de 2012
O presidente de Timor Leste, Taur Matan Ruak, suxeriu que o portugués se ensine como lingua estranxeira, garantindo a súa continuación como lingua oficial, constitucionalmente consagrada.
Fonte: Agência AngolaPress
23 de maio de 2012
O Goberno vasco modificou o decreto que regula o proceso de normalización lingüística da Ertzaintza, que establecerá dous perfís, un deles más esixente, para os axentes que ocupen determinados postos.
Fonte: El Mundo
23 de maio de 2012
O presidente da CHA (Chunta Aragonesista) defenderá en Estrasburgo as linguas minoritarias de Aragón, especialmente o aragonés, ante o “incumprimento” dos últimos gobernos autonómicos da Lei de linguas, do Estatuto de Autonomía e dos tratados internacionais.
Fonte: Diario Vasco
Boletín
Subscríbase ao boletín
