A Cámara de Senadores de Bolivia sancionou a Lei xeral de dereitos e políticas Lingüísticas que ten como obxectivo recoñecer, protexer e promover os dereitos lingüísticos de todos os habitantes de Bolivia.
Fonte: La Prensa
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
27 de marzo de 2012
O Departamento de Estudos Indio-americanos publicou recentemente un novo dicionario en liña na lingua ojibwe. Trátase dun motor electrónico de busca de máis de 30 000 palabras na lingua ojibwe falada nos estados norteamericanos de Minnesota, Wisconsin e nas comunidades limítrofes canadenses.
Fonte: Minnesota Daily
27 de marzo de 2012
A Mesa pola Normalización Lingüística informou de que o paciente que denunciou o 13 de marzo que levaba 237 días na lista de espera para unha intervención cirúrxica no Servizo Galego de Saúde (Sergas) "só por solicitar a documentación necesaria en galego", acaba de obter o dereito de asinar o consentimento informado nesta lingua.
Fonte: Galicia Hoxe
27 de marzo de 2012
Unha das recomendacións recollidas no informe anual do Valedor do Pobo está relacionada co uso do idioma, concretamente do topónimo da cidade, por parte da Compañía de Tranvías. O Valedor do Pobo expón que, tanto no propio nome corporativo da empresa, como na práctica totalidade das informacións subministradas tanto a bordo dos autobuses como nas paradas, se emprega o nome castelán da cidade e non o oficial en galego.
Fonte: La Opinión
27 de marzo de 2012
A Consellería de Cultura, Educación e Ordenación Universitaria, a través da Secretaría Xeral de Política Lingüística, inicia os cursos en liña preparatorios para as probas de certificación de lingua galega no nivel Celga 1.
Fonte: Xunta de Galicia
27 de marzo de 2012
Máis de 50 000 persoas das Illas Baleares saíron á rúa para denunciar os "ataques á lingua catalá” que está realizando o Goberno de Xosé Ramón Bauzá.
Fonte: La Vanguardia
27 de marzo de 2012
Unha proposta para usar as linguas indíxenas nas escolas de Timor Leste divide a sociedade timorense
Unha proposta para adoptar o uso das linguas indíxenas nas escolas primarias de Timor Leste está a dividir os membros gobernamentais, a sociedade civil e os educadores do país. Os defensores desta proposta declaran que os nenos desenvolven mellor as súas habilidades cognitivas cando aprenden na lingua que falan na casa durante os seus primeiros anos educativos e non nas linguas nacionais, o tetún e o portugués, que se empregan menos en contextos comunitarios.
Fonte: IRIN
26 de marzo de 2012
As actividades do novo programa de dinamización lingüística da Consellería de Cultura, Educación e Ordenación Universitaria fixeron parada nos concellos de Ortigueira, Aranga, Betanzos, Cambados, Ponteareas, Melón e Ponte Caldelas.
Fonte: Xunta de Galicia
26 de marzo de 2012
A Consellería de Cultura, Educación e Ordenación Universitaria e a Consellería de Traballo e Benestar, a través da Secretaría Xeral de Política Lingüística e da Dirección Xeral de Xuventude e Voluntariado, respectivamente, impulsarán a dinamización do galego a través do primeiro curso de formación específica en dinamización lingüística, ‘O galego campa’, no marco do Plan de formación no eido do tempo libre.
Fonte: Xunta de Galicia
26 de marzo de 2012
Os alumnos vascos que conclúan os seus estudos cun nivel de éuscaro que varía en función de cada ciclo educativo estarán exentos de acreditar determinados títulos lingüísticos homologados nesta lingua.
Fonte: ABC
Boletín
Subscríbase ao boletín
