Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura, Educación e Ordenación Universitaria e mais a Confederación de Empresarios de Galicia (CEG) colaboran para levar a cabo o programa 2012 para a potenciación e desenvolvemento de accións de dinamización lingüística no eido socioeconómico, a través das iniciativas derivadas das entidades empresariais e asociativas vinculadas á CEG.
Fonte: Xunta de Galicia
O ano académico en Porto Rico comezará co lanzamento dun proxecto piloto para ensinar algunhas materias en inglés en 32 escolas do país. O obxectivo final é que o programa se estenda a todo o sistema educativo nun prazo de dez anos.
Fonte: Fox News
En México, só o 6,6 % da poboación de tres ou máis anos fala unha lingua indíxena, pero a tendencia estase a perder coas novas xeracións. Máis da metade das linguas indíxenas están moribundas ou tenden a desaparecer porque os maiores xa non llela ensinan ás novas xeracións.
Fonte: Noticieros Televisa
A Consellería de Cultura, Educación e Ordenación Universitaria, representada polo secretario xeral de Política Lingüística, Valentín García, asistiu á presentación de obras de Neira Vilas na Feira do Libro da Coruña.
Fonte: Xunta de Galicia
O portugués é, a partir de agora, unha das catro linguas de traballo da Asociación dos Comités Nacionais Olímpicos de África (ACNOA), segundo acordou o organismo en asemblea extraordinaria.
Fonte: Agência Angola Press
A Consellería de Cultura, Educación e Ordenación Universitaria, representada no seu secretario xeral de Política Lingüística e presidente da Rede de Dinamización Lingüística (RDL), Valentín García, e mais a vicepresidenta da Deputación de Pontevedra, Ana Isabel Rodríguez, presentaron na cidade do Lérez Redecinema, no marco da que chegará o filme Vilamor a concellos pontevedreses pertencentes á RDL.
Fonte: Xunta de Galicia
Os actos que compoñen a Semana da Lingua das Illas Cook destacan a importancia das linguas indíxenas e a educación bilingüe en Nova Zelandia.
Fonte: Pacific Scoop
Os concelleiros e funcionarios do Concello de Motril realizarán un curso para aprender a lingua de signos co obxectivo de mellorar a comunicación co colectivo de persoas xordas do municipio.
Fonte: Granada Hoy
O romanés posicionouse como o primeiro idioma máis solicitado nos xulgados da Comunidade de Madrid cun 28,29 por cento da demanda total de idiomas durante o primeiro semestre de 2012.
Fonte: Europa Press
Cinco estudantes irlandeses gañaron o premio á mellor compañía europea do ano cunha aplicación para teléfonos intelixentes que axuda a ensinar a lingua de signos.
Fonte: Irish Times
Subscríbase ao boletín
