Un maior número de alumnos do ensino secundario británico escollerá linguas estranxeiras como o francés, español e alemán despois de que o Goberno introducira o bacharelato inglés no sistema educativo.
Fonte: The Telegraph
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
17 de marzo de 2012
16 de marzo de 2012
O candidato republicano a presidente dos Estados Unidos, Rick Santorum, dixo en Porto Rico que a poboación local precisa adoptar o inglés como primeira lingua se quere converterse nun estado dos Estados Unidos, algo que contradiría a Constitución estadounidense.
Fonte: Terra
16 de marzo de 2012
As liñas en valenciano manteranse co novo decreto de plurilingüismo que está elaborando a Consellería de Educación e que coexistirá cos actuais Programas de Inmersión Lingüística (PIL).
Fonte: El Mundo
16 de marzo de 2012
O Parlamento catalán aprobou unha moción de Solidariedade Catalá pola Independencia (SI) que insta o Goberno catalán a "cumprir e facer cumprir" a Lei do código de consumo de Cataluña, especialmente os artigos que falan dos dereitos dos consumidores á etiquetaxe en catalán.
Fonte: Europa Press
16 de marzo de 2012
Este concurso, que ten como obxectivo promover o emprego da lingua galega nas novas tecnoloxías entre a cidadanía, consiste na gravación de monólogos, tanto en formato vídeo coma audio, que serán colgados na páxina web do Concello. As únicas condicións son que estean realizados en galego e en clave humorística.
Fonte: Concello de Narón
16 de marzo de 2012
O Tribunal Superior anulou as bases da convocatoria de doce prazas para a Policía Local (092) porque non se incluía a esixencia de demostrar dominio da lingua galega por parte dos aspirantes.
Fonte: La Opinión de A Coruña
15 de marzo de 2012
O secretario xeral de Política Lingüística presentou este novo programa de dinamización da lingua galega, que aspira a chegar ás máis de 750 000 persoas que conforman a poboación dos concellos que xa son membros da Rede de Dinamización Lingüística impulsada polo Goberno galego.
Fonte: Xunta de Galicia
15 de marzo de 2012
Nafarroa Bai, Bildu e Izquierda-Ezkerra van presentar unha moción conxunta no Concello de Pamplona para pedir que se modifique a ordenanza de utilización do vasco de forma que "o éuscaro e o castelán teñan idéntica presenza na paisaxe lingüística competencia do Concello".
Fonte: Noticias de Navarra
15 de marzo de 2012
"O éuscaro non é un muro, senón unha ponte". Esta mensaxe da directora do Instituto Etxepare, Aizpea Goenaga, tivo unha caixa de resonancia especial, o Salón de Plenos da Real Academia Española (RAE) que por primeira vez nos seus 300 anos de historia rendeu homenaxe ao éuscaro.
Fonte: Deia
15 de marzo de 2012
Expertos do Centro Tecnolóxico do Mar-Fundación CETMAR están a participar na elaboración dunha guía europea multilingüe de capacidades, competencias e ocupacións.
Fonte: Xunta de Galicia
Boletín
Subscríbase ao boletín
