Os directores do Instituto Cervantes em Chicago (Estados Unidos), Ignacio Olmos, e em Río de Xaneiro (Brazil), Antonio Martínez, reivindicaron o idioma español como a primeira lingua internacional e culta.
Fonte: ABC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de xullo de 2012
26 de xullo de 2012
O partido Conceyu Abiertu por Noreña presentará ante o pleno municipal da vila unha proposta de ordenanza para o uso da lingua asturiana no concello.
Fonte: La Nueva España
26 de xullo de 2012
A Consellería de Educación Valenciana esixirá, a partir do curso 2013-2014, un nivel de coñecemento equivalente ao B2 do Marco Común Europeo das Linguas, tanto aos docentes de Infantil e Primaria como aos de Secundaria, para impartir materias noutros idiomas como o inglés.
Fonte: Europa Press
26 de xullo de 2012
Galician Songs. Ese será o título da tradución ao inglés de Cantares Gallegos que verá a luz a finais deste ano da man da Editorial Small Station Press. A poeta e tradutora canadense Erín Moure (Canadá, 1955) é a responsable da versión anglosaxona do histórico poemario de Rosalía, cuxa publicación cumprirá 150 anos o próximo 2013.
Fonte: Praza Pública
24 de xullo de 2012
A Consellería de Cultura, Educación e Ordenación Universitaria vén de presentar unha nova edición da campaña de dinamización lingüística no sector hostaleiro, “Xantar Compostela”, que se desenvolverá nos máis de 1500 establecementos de restauración e hospedaxe integrados na Asociación Hostelería Compostela e localizados en máis de 50 concellos.
Fonte: Xunta de Galicia
24 de xullo de 2012
O proxecto GalApps lanza un conxunto de aplicacións da lingua galega para o móbil, entre as que se encontran o dicionario da Real Academia Galega.
Fonte: Real Acedemia Galega
24 de xullo de 2012
California contaba no pasado con máis de 90 linguas e 300 dialectos nativos americanos, o que o convertía no estado con máis diversidade lingüística dos Estados Unidos. Hogano, só a metade desas linguas seguen vivas, Segundo os Defensores da Supervivencia das Linguas Indíxenas de California.
Fonte: SF Gate
24 de xullo de 2012
Mellorar os esforzos prácticos por manter os dereitos lingüísticos de millóns de falantes de tamil en Sri Lanka pode xogar un papel fundamental no proceso de paz e reconciliación indefinida no país, segundo os analistas e activistas.
Fonte: Irinnews
24 de xullo de 2012
O Instituto Navarro de Promoción de Estudos Sociais IPES Elkartea volverá organizar o próximo mes de agosto os seus talleres infantís en éuscaro, co fin de que rapaces que estudaron no mínimo un curso no modelo D reforcen o idioma no verán mentres se divirten.
Fonte: 20 minutos
24 de xullo de 2012
A cuarta edición do ciclo teatral ‘Cancienes a escena’, que se celebra no centro social de Cancienes, reafirma os seus contidos en lingua asturiana para a edición deste ano.
Fonte: El Comercio
Boletín
Subscríbase ao boletín
