O Goberno autónomo quere desenvolver a Lei de Normalización Lingüística, promulgada hai xa 29 anos, para estender a "obriga" de utilizar a toponimia oficial a ámbitos ata o momento alleos a esa imposición, entre eles, as rúas, outras vías urbanas e as empresas privadas.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
20 de xullo de 2012
O secretario xeral de Política Lingüística da Consellería de Cultura, Educación e Ordenación Universitaria, Valentín García, e mais o director xeral de Xuventude e Voluntariado da Consellería de Traballo e Benestar, Ovidio Rodeiro, achegáronse ás instalacións do campamento xuvenil Espiñeira de Boiro, para presentar a nova edición do programa de dinamización lingüística O galego campa!
Fonte: Xunta de Galicia
20 de xullo de 2012
As 21 universidades dos territorios de fala catalá adscritas á Xarxa Vives, entre as que se atopan a de Barcelona, a de Valencia e a das Illas Baleares, emitiron un comunicado conxunto en defensa da lingua, pedindo que esta non sexa obxecto de “tacticismos políticos”.
Fonte: ABC
20 de xullo de 2012
O Concello de Pamplona destina 1.728 euros a axudas pola asistencia a cursos de aprendizaxe de éuscaro en réxime de internado en 2012 (barnetegis), unhas subvencións que os veciños da capital poden solicitar ata o 12 de novembro.
Fonte: ABC
19 de xullo de 2012
O conselleiro de Cultura, Educación e Ordenación Universitaria, Xesús Vázquez Abad, presentou hoxe no Museo do Mar de Galicia, en Vigo, o libro Castelao na luz e na sombra, unha obra que reafirma, segundo expresou, “a nosa presenza como sociedade de cultura, e ten un novo punto de apoio sólido para proxectarse no tempo e cara ao mundo que nos rodea”.
Fonte: Xunta de Galicia
19 de xullo de 2012
A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, inaugurou o IX Curso de verán de extensión universitaria Crise vs Creatividade, os novos desafíos do audiovisual galego, ofertado pola Universidade de Vigo (UDV) a través da Cátedra Carlos Casares, que se desenvolverá desde hoxe ata o venres no auditorio municipal Ilduara de Celanova.
Fonte: Xunta de Galicia
19 de xullo de 2012
Xa é posible descargar a versión en galego para Windows, Mac OS X e Linux do Firefox 14 que destaca por empregar o protocolo de comunicacións seguras (HTTPS) para as buscas en Google.
Fonte: Código Cero
19 de xullo de 2012
O secretario xeral de Política Lingüística da Consellería de Cultura, Educación e Ordenación Universitaria, Valentín García, participou en Carballo na inauguración do VIII Curso de Verán sobre Dinamización Lingüística, coorganizado polo citado concello, a Universidade da Coruña (UDC), a Secretaría Xeral de Política Lingüística e a Coordinadora Galega de Traballadores/as de Normalización Lingüística (CTNL).
Fonte: Xunta de Galicia
19 de xullo de 2012
O Novo Testamento será traducido á lingua xitana caló, falada por máis de 680.000 xitanos en Brasil. O proxecto vai ofrecer non só a evanxelización senón tamén a alfabetización dos xitanos.
Fonte: Gospel Prime
19 de xullo de 2012
Tanto se os usuarios o queren para ser plurilingües ou se o necesitan para aprender algunhas frases útiles para a súa próxima viaxe ao estranxeiro, o programa Mango Language, dispoñible a través da biblioteca Scarsdale é perfecto. Con máis de 50 linguas diferentes para adultos e a opción de escoller inglés como segunda lingua, Mango é adecuado, divertido e fácil de usar.
Boletín
Subscríbase ao boletín
