Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Xunta de Galicia, a través da Consellería de Cultura, Educación e Ordenación Universitaria e da Axencia para a Modernización Tecnolóxica de Galicia, presentou a nova campaña de dinamización lingüística no ciberespazo: "Redes sociais en galego".
Fonte: Xunta de Galicia
A Consellería de Cultura, Educación e Ordenación Universitaria despregou por un total de 77 concellos de Galicia 131 actividades de dinamización lingüística nos primeiros cinco meses de desenvolvemento do programa FalaRedes.
Fonte: Xunta de Galicia
A iniciativa "ConsumoGustos", promovida polo Foro Enrique Peinador e pola Asociación Galega de Adegueiros, en colaboración coa Secretaría Xeral de Política Lingúística, conta xa co apoio de produtores, hostaleiros, adegas e sindicatos.
Fonte: Xunta de Galicia
Vodafone ofrece a 50.000 clientes gratuítas de maorí nos seus teléfonos intelixentes a través dunha aplicación de tradución para celebrar a Semana da Lingua Maorí.
Fonte: Scoop
O borrador da Constitución de Cimbabue, realizada por un selecto comité parlamentario, verá ao país surafricano adoptar 16 linguas oficiais fronte ás 3 actuais.
Fonte: The Zimbabwean
O ano pasado, máis de 10.000 persoas acudían aos Institutos King Sejong (os institutos de lingua nacionais de Corea no exterior), de forma que o número de estudantes rexistrados cando a escola da lingua se estableceu en 2009 dobrouse, segundo o Ministerio de Cultura coreano.
Fonte: Asian One
Tailandia necesita que os seus habitantes melloren o seu nivel de inglés e chinés para prepararse con éxito para unha transición á Asociación de Nacións do Sudeste Asiático en 2015, confirma o deputado por Phuket, Rewat Arriob.
Fonte: Bangkok Post
Por termo medio, o 55% dos profesores que participan no programa Irale para aprender éuscaro aproban o perfil lingüístico para o que se presentan no mesmo ano en que participan nos cursos fóra do horario lectivo ou deixan as aulas grazas a unha liberación para centrarse neste obxectivo.
Fonte: El País
Iberdrola acaba de incorporar o servizo de vídeo interpretación ‘SVIsual’ en lingua de signos no seu servizo de atención ao cliente de forma que as persoas xordas ou con algún grao de dificultade auditiva poderán pórse en contacto coa compañía a través de intérpretes de linguas de signos.
Fonte: 20 Minutos
Polos Cursos de verán de lingua e cultura galegas para estranxeiros/as, organizados pola Real Academia Galega, o Instituto da Lingua Galega da USC e máis a Secretaría Xeral de Política Lingüística, pasaron arredor de 2400 persoas de moi diversos países de todo o mundo ao longo dos seus 25 anos de existencia. Na edición deste ano, catro dos 86 alumnas/os procedentes de 24 países de Europa, América e Asia achegan as súas impresións sobre a lingua e a cultura galegas.
Subscríbase ao boletín
