O Goberno de Navarra publicou no seu portal web (www.navarra.es) a versión en éuscaro de Lex Navarra, un catálogo que compila as normas políticas e administrativas da Comunidade Foral, permanentemente actualizadas.
Fonte: ABC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de xullo de 2012
Segundo os datos recollidos nunha medición realizada en outono nas rúas, o uso do éuscaro en Zarautz é do 50%. A metade dos zarautzarras utilizan o éuscaro de forma habitual, aínda que a porcentaxe de falantes de euskera é 20 puntos máis elevado, dun 70,1%.
Fonte: Diario Vasco
29 de xullo de 2012
O secretario xeral de Política Lingüística da Consellería de Cultura e Educación, Valentín García, asistiu á presentación da obra A nena levantadora de pedras. Seis pezas de teatro para nenos, do autor Cipriano Fernández Fernández. O libro recolle seis pezas de teatro escritas para seren representadas por nenos e nenas co obxectivo de que o alumnado de ensino infantil e de primaria se familiarice co xénero dramático.
Fonte: Xunta de Galicia
29 de xullo de 2012
A emisora RadioCadernos intentará converterse nunha xanela aberta á emigración e os seus contidos, esencialmente en lingua galega, abordarán noticias de toda índole, cultura ou música desde unha perspectiva aberta, galega e progresista.
Fonte: Praza Pública
27 de xullo de 2012
O secretario xeral de Política Lingüística, Valentín García, clausurou en Compostela a XXV edición do Curso de verán de lingua e cultura galegas organizado conxuntamente pola Real Academia Galega e polo Institito da Lingua Galega, en colaboración coa consellería de Cultura e Educación.
Fonte: Xunta de Galicia
27 de xullo de 2012
A Mesa pola Normalización Lingüística vén de facer público que os familiares dun home que estaba a piques de morrer están a tramitar unha reclamación formal despois de que unha doutora do servizo de emerxencias do Servizo Galego de Saúde (Sergas) prohibise falar galego na casa do enfermo.
Fonte: Praza Pública
27 de xullo de 2012
O cumio de xefes de estado da Comunidade de Países de Lingua Portuguesa (CPLP) acabou en Maputo sen a adhesión plena de Guinea Ecuatorial, posposta de novo pola organización.
Fonte: Sol
27 de xullo de 2012
O Kursaal de San Sebastián acollerá ‘Empresarean’, a primeira feira de empresas que ofrecen os seus servizos en éuscaro, cuxo obxectivo é promover as relacións entre compañías dos mesmos ou diferentes sectores, compartir experiencias e ser punto de encontro para coñecer a novos provedores.
Fonte: Diario Vasco
26 de xullo de 2012
O Diario Oficial de Galicia (DOG) contará cun novo manual de estilo que servirá de "referencia" ás demais publicacións institucionais como páxinas webs, gabinetes de comunicación ou manuais formativos. Con esta renovación, o propósito da Xunta é "modernizar a linguaxe xurídico-administrativa", facéndoa "accesible a todos os cidadáns", e promover o uso correcto da toponimia, entre outras cuestións.
26 de xullo de 2012
As facultades da Universidade de Delhi atraen a case 400 alumnos estranxeiros cada ano, pero preto do 40 por cento suspende porque son incapaces de superar a “barreira lingüística”. Para axudalos a superar os seus problemas, 20 facultades nomearon mentores e conselleiros.
Fonte: Indian Express
Boletín
Subscríbase ao boletín
