Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A páxina web de éuscaro da páxina web municipal (www.ermua.es) ofrece servizos gratuítos para toda a poboación que os necesite. Con eles pódese desde traducir un texto en éuscaro ata aprender o idioma en liña, coñecer ofertas de emprego e as actividades que se desenvolven en éuscaro no municipio.
Fonte: El Correo
O Consello Asesor do Éuscaro aprobou o novo plan de acción para a promoción da lingua vasca, dotado de 330 accións, cuxo obxectivo principal é fortalecer o seu uso entre a cidadanía.
Fonte: ABC
"Lingua galega: o orgullo e a supervivencia" ("Galician Language: Pride and Survival") é un documental de dez minutos pensado para dar a coñecer a situación da lingua galega na actualidade contando, mesmo, con experiencias do pasado.
Fonte: Sermos Galiza
A Área de Normalización Lingüística da Universidade de Vigo ten aberto o prazo de matrícula para os cursos de lingua galega que se impartirán no comezo do vindeiro curso 2012-2013. Ata o día 7 de setembro, poderase formalizar a inscrición nos seis programas formativos que abranguerán ademais do idioma, o eido da cultura, a normalización ou as habilidades comunicativas.
Fonte: DUVI
Atender as necesidades concretas dos ámbitos directamente relacionados co turismo é a finalidade dunha serie de vocabularios galego-italiano que edita o Servizo de Publicacións da USC.
Fonte: USC
HTC anunciou recentemente un apoio total a tres linguas indias (hindi, támil e maratí) dado que todos os teléfonos intelixentes HTC a partir da liña de 2012 presentarán estas linguas.
Fonte: Gigjets
Un total de 64 dos 364 dialectos indíxenas de México están en “alto risco" de desaparecer, quedando menos de 100 falantes de cada una delas.
Fonte: Informador
A xunta de voceiros do Parlamento de Cataluña aprobou unha declaración na que defende a unidade do catalán e denuncia as “denominacións impropias que, ao seu ver, contraveñen os principios científicos e académicos” que impulsan os gobernos de Aragón e as Illas Baleares.
Fonte: Levante-emv
Unha páxina web favorecerá un mellor coñecemento por parte das persoas xordas da Constitución Español, ao mostrar todo o seu contido nas linguas de signos española e catalá, e incorporar tamén a versión en castelán deste documento.
Fonte: La Información
Cinco anos despois da implantación do sistema de acreditación da competencia en lingua galega para persoas adultas, o sistema Celga, a Coordinadora de Traballadores/as de Normalización da Lingua (CTNL) fai pública e remítelle á Xunta unha proposta integral coa finalidade de mellorar o sistema e de que se corrixan as numerosas eivas detectadas.
Fonte: CTNL
Subscríbase ao boletín
