Twitter acaba de anunciar a dispoñibilidade do seu servizo en seis novas linguas, entre as que se atopan o catalán e o éuscaro. A compañía abrira as ferramentas de tradución dispoñibles para os usuarios o pasado mes de maio.
Fonte: ABC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de xullo de 2012
O Consello Superior de Educación de Qatar emitiu un decreto polo que “o árabe debe ser a única lingua de educación oficial na Universidade de Qatar” e en consecuencia, “a universidade debe tomar as medidas necesarias para iso”.
Fonte: FT
11 de xullo de 2012
O Centro Residencial Docente do Meixoeiro (Vigo) acolle a 135 alumnos de toda Galicia que participan nun campamento de inmersión lingüística promovido pola Xunta. Os estudantes aprenden o idioma con profesores na súa maioría canadenses e sen noción ningunha de español.
Fonte: Faro de Vigo
11 de xullo de 2012
Desde esta asociación en defensa do idioma destacan “a importancia de que en Asturias o comercio empregue o asturiano con naturalidade, dado que o papel da normalización é unha responsabilidade individual e colectiva, tanto das entidades públicas coma privadas”.
Fonte: Asturnews
11 de xullo de 2012
Os primeiros resultados da sexta entrega de 'Hizkuntzen kale-erabileraren neurketa' (medición do uso das linguas na rúa) indican que o 13,3 % das conversas que se mantiñan nas rúas do País Vasco e Navarra durante as semanas de 2011 nas que se realizou o traballo de campo se producía en éuscaro. É unha porcentaxe case idéntica á detectada en 2001 e case tres puntos maior que a rexistrada en 1989.
Fonte: El Correo
11 de xullo de 2012
Unha das liñas de actividade da Mesa pola Normalización Lingüística é a de salientar o compromiso das empresas con respecto ao galego. Neste compromiso, destaca a asociación, cobran especial importancia empresas ligadas á innovación e ao tecnolóxico, como é o caso de Ceros e Uns, firma de informática emprazada en Ponteareas.
Fonte: Código Cero
10 de xullo de 2012
A Consellería de Cultura, Educación e Ordenación Universitaria e o Instituto Cervantes comprométense a colaborar na difusión da lingua e cultura galegas no ámbito internacional.
Fonte: Xunta de Galicia
10 de xullo de 2012
O teatro ten que ser para todos. Tendo isto en conta, o grupo Tom Brasil decidiu implantar, nos seus espectáculos teatrais en Río de Xaneiro e São Paulo, a interpretación simultánea a libras, lingua de signos brasileira.
Fonte: R7
10 de xullo de 2012
A lingua mam, propia das comunidades da zona alta de Tapachula, está en desuso debido a que o goberno estatal non aceptou a 32 comunidades indíxenas de Tapachula para que poidan recibir apoio a través da Secretaría de Pobos e Culturas Indíxenas.
Fonte: El Mexicano
10 de xullo de 2012
A Consellería de Educación e Cultura de Estremadura, en colaboración coa Embaixada de Romanía en España, introducirá o próximo curso a materia “Lingua, Cultura e Civilización Romanesa”, como experiencia piloto, en 16 centros educativos da comunidade.
Fonte: La Información
Boletín
Subscríbase ao boletín
