O Parlamento catalán rexeitou unha proposta que pedía garantir “a dispoñibilidade lingüística plena en catalán e castelán do servizo de atención telefónica cidadá 012”.
Fonte: ABC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
13 de xullo de 2012
13 de xullo de 2012
A Academia Valenciana da Lingua (AVL) estará a partir de agora presente no circuíto da programación cultural do Instituto Cervantes para promover e potenciar no exterior os escritores valencianos que editen as súas obras en lingua propia.
Fonte: La Información
13 de xullo de 2012
Un dos avogados xerais do Tribunal de Xustiza da UE concluíu que obrigar, como fai a Comunidade flamenga en Bélxica, a redactar os contratos de traballo de carácter internacional nunha lingua local obstrúe a libre circulación de traballadores.
Fonte: ABC
13 de xullo de 2012
As autoridades de Xapón estudarán se inclúen o español como lingua optativa no Exame Nacional de Acceso á Universidade, tras recibir unha solicitude conxunta de todas as embaixadas de América Latina e a de España en Tokío.
Fonte: Diario de Sevilla
12 de xullo de 2012
Unha asociación de Singapur solicitou a cidadáns con ideas sobre como promover o bilingüismo entre os rapaces en idade non escolar que envíen as súas propostas ao Fondo Lee Kuan Yew polo Bilingüismo.
Fonte: Today Online
12 de xullo de 2012
En Galicia vén de poñerse en marcha unha iniciativa de recollida de sinaturas en change.org, para pedir Twitter en galego, xa. Comezou este martes e achégase xa ao milleiro de apoios.
Fonte: Praza Pública
12 de xullo de 2012
O alcalde de Muxía, Félix Porto, entregou os premios do concurso Durmo... se me contas un conto, organizado polo Concello para dinamizar a lingua galega e fomentar traballos entre pais e fillos.
Fonte: La Opinión de A Coruña
12 de xullo de 2012
Ciberdúvidas, o portal dedicado á lingua portuguesa, podería pechar se continúa sen apoios económicos, anunciou o responsable do proxecto, José Mário Costa.
Fonte: Público
12 de xullo de 2012
A Consellería de Educación e Cultura do Goberno de Estremadura incrementou un 23,6 por cento o número de seccións bilingües nos centros educativos, pasando de 155 a 203 no curso 2012-2013.
Fonte: Europa Press
12 de xullo de 2012
Por segundo ano consecutivo, a Universidade de Oviedo, a través da Casa das Linguas, convocou dous cursos de asturiano en Xixón e Oviedo.
Fonte: Asturnews
Boletín
Subscríbase ao boletín
