Con motivo do inicio do período de matriculación para o curso 2012-2013, a Asociación Berciana da Lingua Xarmenta lembrou que, «segundo se recolle no Protocolo de colaboración asinado pola Xunta de Galicia e a Junta de Castilla y León, os centros adscritos ao Programa para a Promoción do Idioma Galego deben outorgarlle continuidade, proporcionando información obxectiva e facilitando a incorporación voluntaria dos alumnos».
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de xuño de 2012
28 de xuño de 2012
A tradución da carta magna dos colombianos ao palenquero faise en recoñecemento da identidade cultural do primeiro pobo libre de América e é un claro exemplo de inclusión social. O obxectivo do proxecto é que todos os palenqueros coñezan a Constitución, se enriquezan e poidan exercer os seus dereitos.
Fonte: El Universal
28 de xuño de 2012
A Comisión de Asuntos institucionais do Parlamento balear aprobou a modificación da Lei de función pública, que elimina o requisito de coñecemento do catalán para traballar na Administración pública, para convertelo nun mérito.
Fonte: Europa Press
27 de xuño de 2012
A pesar de décadas de integración europea, menos dun de cada dous mozos dos 27 Estados membros fala ben unha lingua estranxeira como para manter unha conversa, declarou o executivo da Unión Europea.
Fonte: The Australian
27 de xuño de 2012
A exposición e uso ambiental da lingua estranxeira en contextos non formais –como o consumo de produtos audiovisuais en versión orixinal– mellora a comprensión oral dos/as rapaces/zas, segundo se desbota do traballo realizado polos investigadores da Universidade de Santiago de Compostela implicados no Estudo Europeo de Competencia Lingüística (EECL).
27 de xuño de 2012
A burocracia lingüística de Quebec enfróntase a numerosas queixas relacionadas co crecente número de negocios que rexeitan engadir aos seus rótulos comerciais unha descrición xenérica en francés.
Fonte: The Gazette
27 de xuño de 2012
As "cabinas telefónicas" gratuítas para persoas xordas, que lles permiten pasar chamadas por medio de intérpretes de lingua de signos por videoteléfono, abriron en Lyon e París, despois de Toulouse, onde xa existe unha instalación destas dende hai un ano.
Fonte: Le Parisien
27 de xuño de 2012
O Tribunal Supremo declarou nulos os artigos que definen o catalán como lingua normalmente usada como vehicular no ensino infantil (3 a 6 anos) e engade o castelán como lingua vehicular.
Fonte: Europa Press
27 de xuño de 2012
A Universidade de Valencia (UV) aprobou un plan para elevar a súa oferta docente en valenciano ata o 35 por cento durante os próximos cinco anos, así como unha distribución equitativa da oferta nas dúas linguas oficiais nun prazo máximo de dez anos.
Fonte: ABC
26 de xuño de 2012
O Goberno do estado de Rhode Island, nos EUA, elaborou un plan que pretende incrementar o nivel educativo dos estudantes en linguas estranxeiras. O devandito plan quere garantir que os adolescentes que entren no mercado laboral poidan falar con fluidez unha lingua estranxeira de aquí a 2030.
Fonte: The Republic
Boletín
Subscríbase ao boletín
