A Consellería de Cultura, Educación e Ordenación Universitaria, representada polo secretario xeral de Política Lingüística, Valentín García, participou na entrega do II Premio MOME de Teatro Varela Buxán.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de xuño de 2012
22 de xuño de 2012
Google Inc, o xigante dos motores de busca en internet, creou un sitio web sobre linguas ameazadas co fin de contribuír a salvar as linguas en perigo do mundo. No sitio web endangeredlanguages.com os lectores poderán atopar, compartir e almacenar información sobre variedades lingüísticas que estean ameazadas de extinción.
Fonte: Time
22 de xuño de 2012
O conselleiro de Cultura, Educación e Ordenación Universitaria, Xesús Vázquez Abad, entregou os premios a curtas de animación en galego realizados coa técnica stop-motion do programa de dinamización lingüística Nós tamén creamos!
Fonte: Xunta de Galicia
22 de xuño de 2012
No curso académico que termina, o 2011-2012, a Universidade do País Vasco (UPV) ofreceu ao 87,92 % dos seus alumnos de primeiro curso a posibilidade de realizar os seus estudos integramente en éuscaro.
Fonte: El País
22 de xuño de 2012
O 63 por cento do alumnado español non comprende o inglés oral ao finalizar a Ensinanza Secundaria Obrigatoria, segundo o Estudo Europeo de Competencia Lingüística (EECL), no que participaron 14 países europeos.
Fonte: Europa Press
21 de xuño de 2012
A Consellería de Cultura, Educación e Ordenación Universitaria, a través do secretario xeral de Política Lingüística, Valentín García Gómez, presentou Queer-emos un mundo novo. Sobre cápsulas, xéneros e falsas clasificacións, da monfortina Teresa Moure, a obra gañadora do XI Premio Ramón Piñeiro de Ensaio 2011, publicada agora pola editorial Galaxia.
Fonte: Xunta de Galicia
21 de xuño de 2012
A Mesa pola Normalización Lingüística denunciou "un novo e grave caso de discriminación" contra o galego na Xustiza, posto que unha xuíza de Vigo rexeitou unha demanda por estar escrita nesta lingua.
Fonte: Galicia Hoxe
21 de xuño de 2012
A celebración da lingua galesa en Cardiff durará unha semana, comezando o sábado 18 de xuño cunha feira da lingua galesa no castelo de Cardiff.
Fonte: Wales Online
21 de xuño de 2012
Un novo servizo para os educadores, profesionais da lingua e pais de nenos plurilingües foi establecido por lingüistas da Universidade do Ulster dado que o plurilingüismo vai en aumento en Irlanda do Norte.
Fonte: Ulster
21 de xuño de 2012
Twitter estreará novas traducións o 5 de xullo de 2012. Entre as novas linguas están o éuscaro e o catalán, que terá a súa propia versión de Twitter tras meses de campaña na rede social de usuarios de Cataluña reclamando aos responsables unha tradución.
Fonte: El País
Boletín
Subscríbase ao boletín
