En novembro de 2010 desenvolvéronse na Universidade de Santiago de Compostela as II Xornadas Educación e Linguas en Galicia dedicadas á planificación para a normalización lingüística nos centros de ensino non universitarios. Os diversos relatorios presentados nestas xornadas recóllense nun libro electrónico.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
01 de febreiro de 2012
01 de febreiro de 2012
Un total de doce centros educativos navarros sumarase no curso 2012-2013 aos 28 colexios que xa ofrecen o inglés coma lingua vehicular nos ciclos de Infantil e Primaria.
Fonte: El Economista
01 de febreiro de 2012
A Consellería de Saúde da Generalitat anunciou a creación dunha tarxeta sanitaria en braille pensada para persoas cegas, unha iniciativa que arranca cunha proba piloto que se prolongará durante o mes de febreiro.
Fonte: La Información
31 de xaneiro de 2012
O presidente de Irán, Mahmud Ahmadineyad, inaugurou oficialmente unha canle de televisión por satélite en español. Hispan TV, que así se chama a empresa de comunicación, é a primeira canle en español que emite desde o Oriente Medio, e retransmitirá noticias, documentais e películas iranianas as 24 horas.
Fonte: The Guardian
31 de xaneiro de 2012
De acordo coa obriga constitucional do Goberno de Sudáfrica de garantir a igualdade de condicións entre as linguas oficiais, deben utilizarse polo menos tres linguas nos organismos públicos, incluíndo empresas públicas como Eskom, segundo afirmou o ministro de Arte e Cultura, Paul Mashatile.
Fonte: Business Day
31 de xaneiro de 2012
Un ano máis chega o Correlingua, o programa de dinamización lingüística que consiste no desenvolvemento de diversas actividades nos centros de ensino e que remata cunha festa final en 14 vilas galegas.
Fonte: CTNL
31 de xaneiro de 2012
A través dunha nota publicada na páxina web do semanario Les Noticies e na edición impresa, o único xornal en papel que existía en lingua asturiana di adeus, para quedar só en formato de diario dixital.
Fonte: Asturnews
31 de xaneiro de 2012
O conto interactivo vasco Kili-Kili converteuse no primeiro libro infantil para terminais móbiles como iPad, iPhone e iPod Touch, que permite aos máis pequenos da casa comezar a coñecer as palabras en éuscaro.
Fonte: Va de juegos
30 de xaneiro de 2012
O secretario xeral de Política Lingüística da Consellería de Cultura, Educación e Ordenación Universitaria, Valentín García, participou no acto literario ‘Neira Vilas e Rachel de Queiroz: dúas figuras universais’, organizado polo Concello de Melide.
Fonte: Xunta de Galicia
30 de xaneiro de 2012
Nun intento por facer que a sociedade en xeral sexa parte da revolución dixital e que a tecnoloxía sexa máis viable e accesible para as persoas que non están familiarizadas co inglés, a Universidade de Gauhati, en colaboración co Consorcio de Información Lingüística para as Linguas Indias, busca fórmulas para desenvolver aplicacións electrónicas nas linguas indíxenas, nun principio en asamés e bodo.
Fonte: The Times of India
Boletín
Subscríbase ao boletín
