Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura, Educación e Ordenación Universitaria participou en Chantada no acto de homenaxe que a Irmandade Xurídica Galega lle rendeu ao xurista Ramón Carballal Pernas, ao que asistiu o secretario xeral de Política Lingüística, Valentín García.
Fonte: Xunta de Galicia
O consello de ministros de Mozambique ratificou o Acordo Ortográfico da Lingua Portuguesa, tal e como informou o ministro de Asuntos Internacionais e Cooperación, Oldemiro Baloi.
Fonte: Expresso
Todos os nenos ingleses aprenderán unha lingua estranxeira desde os sete anos, segundo os novos plans do Goberno.
Fonte: BBC
Oinarritik Euskaraz é o primeiro manual didáctico para formar en éuscaro os adestradores de fútbol. Este libro, financiado pola Deputación Foral de Biscaia, presentouse en sociedade e contou cunha representación do fútbol biscaíño.
Fonte: Deia
Investigadores da Escola Politécnica Superior da Universidade Autónoma de Madrid (UAM) desenvolven unha ferramenta informática de grande utilidade para as persoas con discapacidade auditiva, capaz de xerar mensaxes en lingua de signos a partir de textos e voz, así como de expresar características da ‘linguaxe corporal’ a través dunha personaxe virtual.
O Parlamento balear debaterá e votará a normativa pola que o catalán pasa a ser mérito, e non requisito –como agora- para acceder a determinados empregos da Administración.
Fonte: Diario de Mallorca
A Consellería de Educación, Cultura e Deporte de Cantabria e a Federación de Persoas Xordas de Cantabria (Fescan) colaborarán para mellorar a atención dos alumnos con discapacidade auditiva e para ensinar a lingua de signos a profesores e familias.
Fonte: ABC
Só un 16,4 % dos españois considera que ten un nivel avanzado de inglés, unha cifra que podería ser bastante menor se o nivel se valorase de forma obxectiva. Ademais, segundo o recoñecido profesor de inglés Richard Vaughan, “apenas un 5 % dos profesionais españois ten un bo nivel de inglés”.
Fonte: El Confidencial
Tras concluír a súa etapa de capacitación, o Ministerio de Cultura de Perú certificou a 30 intérpretes de linguas orixinarias para participar nos procesos de consulta previa entre o Goberno e os pobos indíxenas. Os 30 profesionais certificados manexan as seis linguas con maior número de falantes no país.
Fonte: Perú 21
O inglés substituirá progresivamente o español como lingua do sistema educativo público de Porto Rico, nun plan que se desenvolverá nos próximos 10 anos, explicou o secretario de Educación da illa, Edward Moreno Alonso.
Fonte: La Voz de Galicia
Subscríbase ao boletín
