A Academia Norteamericana da Lingua Española (ANLE) renovou o seu convenio coa Administración de Servizos Xerais para colaborar coa mellora e a normalización do uso da lingua española nas comunicacións do Goberno federal.
Fonte: CapitalWirePR
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de xaneiro de 2012
30 de xaneiro de 2012
Un programa dunha universidade de California ensina linguas como o francés e o italiano a partir das súas semellanzas co español, unha idea que está logrando grandes éxitos entre os hispanos da rexión.
30 de xaneiro de 2012
O idioma inglés segue a ser a materia pendente española na diplomacia, o emprego, o turismo, o comercio, as finanzas e as relacións persoais. Só os rusos e os turcos están peor que os españois no coñecemento desa lingua.
Fonte: Diario de Navarra
27 de xaneiro de 2012
O ensino de linguas estranxeiras está en crise en moitas zonas do Reino Unido. A aprendizaxe do francés, alemán e español está a piques de desaparecer de moitas escolas. As inscricións en francés caeron un 59 % desde 2001, pasando de 347 000 a 141 800 alumnos. Tamén o español e o italiano, que eran materias que gozaban dunha relativa saúde hai poucos anos, perderon forza o ano pasado.
Fonte: The Australian
27 de xaneiro de 2012
Houbo un novo impulso á matriculación no modelo D, esta vez da man dunha vintena de concellos, que presentaron a súa tradicional campaña en favor do ensino en éuscaro.
Fonte: Noticias de Navarra
27 de xaneiro de 2012
O deputado do BNG Bieito Lobeira denuncia o incumprimento das leis galegas de normalización lingüística e da administración local ao expedir o consistorio notificacións oficiais que exclúen a lingua galega nas súas relacións cos veciños de Marín.
Fonte: ABC
27 de xaneiro de 2012
A Deputación de Áraba impulsa un ciclo de charlas de orientación para «incidir na transmisión do idioma da familia e axudar os fillos a vivir o plurilingüismo como algo positivo e enriquecedor», así como «axudar ás familias a resolver as súas dúbidas ao respecto».
Fonte: El Correo
27 de xaneiro de 2012
A falta de recuperación e protección dos nomes tradicionais en toda Galicia fixo que moitos deles estivesen a piques de perderse no esquecemento colectivo substituídos por termos artificiais ou inventados. A Vicerreitoría de Extensión Universitaria decidiu emendar erros do pasado facendo un estudo de recolleita e restauración do patrimonio toponímico do campus vigués da man de Iván Sestay, titulado da Facultade de Filoloxía e Tradución.
26 de xaneiro de 2012
O secretario xeral de Política Lingüística da Consellería de Cultura, Educación e Ordenación Universitaria, Valentín García, realizou a súa primeira visita institucional á Real Academia Galega, onde mantivo un encontro co seu presidente, Xosé Luís Méndez Ferrín. Na xuntanza, que tivo lugar na sede da RAG na Coruña, tamén estiveron presentes os membros da comisión executiva da entidade Xosé Luís Axeitos, secretario; Manuel González González, tesoureiro, e Francisco Fernández Rei, que é o vicesecretario.
26 de xaneiro de 2012
O Consorcio Audiovisual de Galicia, a través dun convenio de colaboración coa Consellería de Cultura, Educación e Ordenación Universitaria e coa Fundación TIC da Deputación de Lugo, vén convocando monográficos de inglés audiovisual que nos últimos anos teñen lugar nas Escolas Oficiais de Idiomas da Coruña, Lugo, Santiago de Compostela e Vigo.
Fonte: Xunta de Galicia
Boletín
Subscríbase ao boletín
