Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O certame de declaracións de amor na rede, convocado polas consellerías de Cultura e Educación e Traballo e Benestar -a través da Secretaría Xeral de Política Lingüística e da Dirección Xeral de Xuventude e Voluntariado, respectivamente- con motivo da dobre celebración, o pasado 17 de maio, do Día das Letras Galegas e do Día de Internet, xa ten gañadores.
Fonte: Xunta de Galicia
Imaxerali é unha nova páxina web en lingua galega que fai un percorrido fundamentalmente visual polas principais competicións de rally galegas e estatais.
Fonte: Código Cero
A vitalidade do español, a lingua máis próspera da comunicación internacional tras o inglés, derrotou a "insensatez política" das campañas "só inglés" nos Estados Unidos que buscaban reducir o seu uso a lingua estranxeira.
Fonte: Latino Fox News
O autor dun libro sobre a literatura de Goa en portugués defendeu que a lingua de Camões é unha plusvalía para os habitantes desta antiga colonia portuguesa na India, especialmente no sector das tecnoloxías da información.
Fonte: Portalangop
As sentenzas consideran que as catro familias demandantes teñen dereito a que os seus fillos reciban a educación tamén en castelán, polo que a Administración ten que adoptar as medidas necesarias para garantilo e basea a súa decisión nas sentenzas do Tribunal Supremo sobre a materia.
Fonte: La Razón
O secretario xeral de Política Lingüística, Valentín García, visitou Ponteareas (Pontevedra) para asistir á actividade de dinamización lingüística dirixida aos máis pequenos “Dentro dun conto”.
Fonte: Xunta de Galicia
A Aula Virtual de Galaxia vai facer posible que a comunidade educativa traballe con novas tecnoloxías ao tempo que estuda lingua e literatura galegas. Vai achegar, entre outras cousas, versións en PDF dos libros de texto, material educativo dixital e propostas de actividades docentes interactivas.
Fonte: Código Cero
O conselleiro de Cultura, Educación e Ordenación Universitaria, Xesús Vázquez Abad, e a representante da Axencia EFE, Ana Martínez, asinaron un convenio de colaboración para a difusión da lingua galega a través das noticias publicadas por esta axencia de comunicación.
Fonte: Xunta de Galicia
O proxecto responde a unha demanda concreta: a dos lectores e lectoras galegas que desexan que se lles fale das cousas que lles interesan no seu idioma.
Fonte: Código Cero
A Universidade británica de Cambridge confirmou que vai desenvolver un exame internacional para a lingua indonesia, dirixido principalmente a escolas de secundaria indonesias.
Fonte: The Jakarta Globe
Subscríbase ao boletín
