A través dun servizo de tradución automática entre dúas linguas que non traballa palabra por palabra senón que comprende o contexto das frases, Microsoft contribuirá a que a lingua maia e moitas outras non se perdan.
Fonte: El Universal
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
31 de maio de 2012
A rede de salas municipais e de proximidade de Euskadi, Zineuskadi, integra un total de 15 cines este ano, nos que se pretende ofrecer “alternativas atractivas para incrementar a circulación do cine europeo de calidade, potenciar a versión orixinal e ofrecer o mellor cine en éuscaro.
Fonte: Deia
30 de maio de 2012
O conselleiro de Cultura, Educación e Ordenación Universitaria, Xesús Vázquez Abad, presentou o novo volume da colección “Cadernos Ramón Piñeiro”.
Fonte: Xunta de Galicia
30 de maio de 2012
A Consellería de Cultura, Educación e Ordenación Universitaria continúa a levar a figura de Valentín Paz-Andrade aos centros educativos a través dunha exposición para lles achegar aos escolares a vida e a obra do escritor homenaxeado no Día das Letras Galegas 2012.
Fonte: Xunta de Galicia
30 de maio de 2012
A Asociación PuntoGal presentou formalmente a candidatura do dominio .gal ante o organismo competente, o Corporation for Assigned Names and Numbers (ICANN). PuntoGal leva seis anos traballando para conseguir que a cultura e a lingua galegas teñan un espazo propio na rede.
Fonte: Xunta de Galicia
30 de maio de 2012
Este verán comezará a emisión dunha nova canle de noticias en español nos Estados Unidos, dado que News Corp. lanzará a súa canle de emisión en español, MundoFox.
Fonte: Mediabistro
30 de maio de 2012
Co obxectivo de promover a práctica das linguas indíxenas entre a comunidade estudantil da Universidade Verazcruzana Intercultural (UVI), académicos e graduados desta institución atópanse elaborando manuais para a autoaprendizaxe das linguas orixinarias das rexións onde se atopan os campus interculturais da Universidade Veracruzana.
Fonte: Veracruzanos
30 de maio de 2012
Olot é a cidade de Cataluña cunha maior oferta en catalán, cun índice de oitenta puntos sobre cen, mentres que Santa Coloma de Gramenet é a que ten menos, aínda que supera os 51 puntos, segundo o estudo Ofercat.
Fonte: ABC
30 de maio de 2012
Só un 7 % dos pais e nais da escola pública escolle o castelán como lingua de primeiro ensino para os seus fillos, fronte ao 78,3 % que optou polo catalán, segundo a media da mostra de máis de 100 centros de Baleares.
Fonte: Europa Press
29 de maio de 2012
A Consellería de Cultura, Educación e Ordenación Universitaria participou na entrega do premio do XV concurso de poesía ‘Concello de Carral’ a Roi Vidal Ponte, pola súa obra Teatro.
Fonte: Xunta de Galicia
Boletín
Subscríbase ao boletín
