O primeiro ministro da India, Manmohan Singh, declarou que o Goberno indio continuará intensificando esforzos para promover, desenvolver e enriquecer a antiga lingua sánscrita.
Fonte: The Economic Times
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de xaneiro de 2012
O 19 de febreiro realizarase un referendo a nivel nacional para determinar se o ruso vai ser a segunda lingua oficial do país. Segundo a Comisión Electoral Central de Letonia, para que a lingua rusa adquira este status máis da metade dos habitantes de Letonia, en total unhas 772 000 persoas, deberían votar a favor.
Fonte: The Voice of Russia
05 de xaneiro de 2012
Cinco centros de información á muller da provincia de Lugo van incorporar un servizo de teletradución para mellorar a atención ás mulleres e vítimas da violencia de xénero inmigrantes, que ofrece sen custo a Secretaría Xeral da Igualdade. Trátase dos CIM de Burela, Viveiro, Ribadeo, Monforte de Lemos e Palas de Rei, que contarán cun innovador sistema de teletradución a 51 idiomas.
Fonte: Xunta de Galicia
05 de xaneiro de 2012
Segundo o Anuario da Música Asturiana, realizado por Publicacións Ámbitu, as casas discográficas produciron, ao longo do ano 2011, un total de 23 discos en lingua asturiana, o que supón unha pequena subida con respecto a 2010, cando saíron ao mercado 22.
Fonte: Asturnews
05 de xaneiro de 2012
O PNV pediu que a futura lei da policía vasca estableza coma requirimento para presentarse ás probas de ingreso na Ertzaintza o coñecemento do éuscaro por parte dos aspirantes.
Fonte: ABC
05 de xaneiro de 2012
En 2012 frutificarán catro proxectos xornalísticos que levan tempo xestándose: Sermos Galiza, Praza Pública, Dioivo e un novo medio que están impulsando ex traballadores de Xornal de Galicia.
Fonte: Galicia Confidencial
05 de xaneiro de 2012
O Ministerio de Educación publicou no Boletín Oficial do Estado a convocatoria de bolsas 2012 para participar nos cursos de inmersión en lingua inglesa. Estes cursos están organizados pola Universidade Internacional Menéndez Pelayo entre o 5 de marzo e o 10 de decembro nas súas once sedes.
Fonte: Empresa exterior
04 de xaneiro de 2012
A Xunta de Galicia inicia en Celanova os actos de celebración do Ano Celso Emilio Ferreiro, coincidindo co centenario do seu nacemento. Cen poemas en Celanova constitúe a primeira iniciativa que desenvolverá o Goberno galego, en colaboración con diversas entidades, para celebrar esta efeméride.
Fonte: Xunta de Galicia
04 de xaneiro de 2012
A Secretaría Xeral de Política Lingüística publica no Diario Oficial de Galicia a orde de subvencións do 16 de decembro de 2011 dirixida ás entidades locais de Galicia para a promoción do uso da lingua galega.
Fonte: Xunta de Galicia
04 de xaneiro de 2012
O Goberno de Cantabria convocou dez bolsas, o dobre có ano pasado, e axudas económicas individuais destinadas ás persoas que desexen incorporarse como auxiliares de conversa en centros educativos de Cantabria.
Fonte: El Diario Montañés
Boletín
Subscríbase ao boletín
