Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Premio Leixaprén, que na edición do curso 2011-2012 estivo organizado pola Coordinadora Galega de Equipos de Normalización e Dinamización Lingüística (CGENDL), recaeu na empresa compostelá Imaxin Software, que leva anos desenvolvendo programas informáticos e empregando o galego en todos os ámbitos de xestión da empresa.
Fonte: Código Cero
Os habitantes da comunidade indíxena de Xoxocotla (México) piden o rescate e conservación da lingua náhuatl e non só ser botín do voto para o triunfo de candidatos.
Fonte: El Sol de Cuautla
O presidente de Timor Leste, Taur Matan Ruak, suxeriu que o portugués se ensine como lingua estranxeira, garantindo a súa continuación como lingua oficial, constitucionalmente consagrada.
Fonte: Agência AngolaPress
O Goberno vasco modificou o decreto que regula o proceso de normalización lingüística da Ertzaintza, que establecerá dous perfís, un deles más esixente, para os axentes que ocupen determinados postos.
Fonte: El Mundo
O presidente da CHA (Chunta Aragonesista) defenderá en Estrasburgo as linguas minoritarias de Aragón, especialmente o aragonés, ante o “incumprimento” dos últimos gobernos autonómicos da Lei de linguas, do Estatuto de Autonomía e dos tratados internacionais.
Fonte: Diario Vasco
A asociación Nova Escola Galega e o artista Henrique Ortiz recibiron os galardóns que cada ano entrega a Fundación Pedrón de Ouro co obxectivo de recoñecer as accións en defensa da lingua, a cultura e o patrimonio de Galicia.
Fonte: 20minutos
O traballo pretende proporcionar aos Estados membros información comparable sobre as competencias en linguas estranxeiras do alumnado europeo ao finalizar a Educación Secundaria Obrigatoria así como coñecer boas prácticas que permitan mellorar a súa aprendizaxe.
Máis de 200 persoas saíron ás rúas de Caernarfon para oporse ao peche do centro de chamadas en galés de ScottishPower.
Fonte: Daily Post
Decidiuse presentar á Comisión Europea unha iniciativa, promovida por varias asociacións de lingua rusa, encamiñada ao recoñecemento da utilización do ruso a nivel oficial na Unión Europea.
Fonte: Rusia
Un informe xurídico realizado a petición do Goberno do Principado determina que é viable tanto a creación da especialidade en Lingua Asturiana no currículo da Educación Primaria e Secundaria coma o desenvolvemento dun grupo docente específico para a súa impartición.
Fonte: El Comercio
Subscríbase ao boletín
