A vicepresidenta do Goberno catalán e titular do Departamento de Gobernación e Relacións Institucionais, Joana Ortega, e o valedor do Pobo de Arán, Carlos Barrera, presidiron a segunda comisión bilateral celebrada desde a constitución do novo Consello Xeral de Arán, na que se creou o Consello de Política Lingüística do Aranés Occitano.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de maio de 2012
21 de maio de 2012
A Consellería de Cultura, Educación e Ordenación Universitaria continúa a lle render homenaxe ao escritor Xosé Neira Vilas a través da exposición itinerante ‘Querido Balbino. 50 anos de Memorias dun neno labrego’, coa que o departamento dirixido por Xesús Vázquez Abad está a achegar ás galegas e galegos unha das figuras máis senlleiras da literatura galega de todos os tempos, o pequeno Balbino, e ao seu autor.
Fonte: Xunta de Galicia
21 de maio de 2012
O programa de dinamización lingüística FalaRedes, promovido pola Consellería de Cultura, Educación e Ordenación Universitaria, a través da Secretaría Xeral de Política Lingüística, pecha a semana grande das Letras Galegas con 11 actividades de promoción da lingua en cadanseu concello.
Fonte: Xunta de Galicia
21 de maio de 2012
A Consellería de Cultura e Educación organiza tres xornadas formativas para os 203 avaliadores e examinadores das probas Celga 2012.
Fonte: Xunta de Galicia
21 de maio de 2012
Os nenos de catro anos comezarán a aprender dúas linguas estranxeiras baixo un plan radical revelado polos ministros escoceses para aumentar as súas posibilidades de atopar emprego cando entren no mercado laboral.
Fonte: The Telegraph
21 de maio de 2012
Declarado pola Unesco obra mestra do patrimonio oral e inmaterial da humanidade, o palenquero combina o castelán con linguas africanas, especialmente da familia bantú, nun esforzo por preservala, por primeira vez ensínase a ler e escribir nesta lingua.
Fonte: Vanguardia
21 de maio de 2012
O logo do Festival Internacional de Cine de Xixón non inclúe as siglas que se usaron noutras ocasións e onde si aparecía o topónimo asturiano (FICXixón), fronte ao nome completo do festival, onde tamén se usou a forma castelá de chamar a este concello asturiano.
Fonte: Asturnews
21 de maio de 2012
Sortzen Ikasbatuaz celebra a festa a favor do ensino público en éuscaro coa que este ano tamén quere rexeitar os recortes educativos propostos en Navarra e que "van incidir negativamente na calidade do ensino".
Fonte: Europa Press
18 de maio de 2012
No repertorio non faltaron nin a Negra Sombra, María Soliña ou A Maruxa, xunto con baladas e danzas interpretadas por Luis Celada Álvarez ao piano cuxo son se fundiu co que xurdía, -segundo as pezas-, da gaita, a frauta de pico, os whistles e a ocarina de Javier Celada Quintanilla.
Fonte: Xunta de Galicia
17 de maio de 2012
O xefe do Goberno autonómico, Alberto Núñez Feijóo, presidiu a Sesión Plenaria Extraordinaria e Pública da Real Academia Galega no Día das Letras Galegas 2012, dedicado a Valentín Paz Andrade.
Fonte: Xunta de Galicia
Boletín
Subscríbase ao boletín
