A CiberIrmandade proponlle á comunidade internauta galega facer fronte común arredor dunha causa específica: pedirlle a Microsoft, responsable de Bing, que corrixa a deturpación dos topónimos galegos.
Fonte: Código Cero
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de xaneiro de 2012
30 de decembro de 2011
O estudo da lingua rusa experimentou un desenvolvemento na India e espérase que continúe esta tendencia grazas á promoción e ao apoio por parte de institucións afiliadas co Goberno ruso. Como proba disto, o número de estudantes e clases de ruso ten rexistrado un incremento no país asiático.
Fonte: Russia and India Report
30 de decembro de 2011
Unha investigación revela que moitos municipios de Suecia incumpren a obriga de ofrecer prazas de lingua sueca, nos prazos estipulados por lei, a inmigrantes que acaban de chegar ao país.
Fonte: The Local
30 de decembro de 2011
Varias organizacións sociais demandaron ao Ministerio de Educación boliviano o ensino de chinés mandarín como lingua estranxeira nas escolas públicas do país.
Fonte: FM Bolivia
30 de decembro de 2011
O colexio de avogados da cidade de Quimper, en Francia, asinou o acordo "Ya d’ar brezhoneg", aprobado pola Oficina da Lingua Bretoa, para estimular o uso desta lingua na vida cotiá na Bretaña.
Fonte: Novo Press
30 de decembro de 2011
A edición en éuscaro da enciclopedia dixital Wikipedia incorporou 11 000 novas entradas, que se suman ás 110 000 que se editaran ata o momento.
Fonte: Europa Press
30 de decembro de 2011
Na Comunidade Valenciana, unicamente o 4,27 por cento do profesorado de Ensino Primario ten a dobre titulación de mestre e o B2 de lingua inglesa, mentres que en Infantil a porcentaxe se eleva ao 13,2, segundo datos facilitados pola consellería.
Fonte: Levante-emw
29 de decembro de 2011
O I Plan de Español 2005-2011 saldouse cun incremento do 37 % no volume de alumnos que chegan a estudar o castelán en Castela e León, segundo anunciou a Consellería de Cultura e Turismo.
Fonte: El Mundo
29 de decembro de 2011
A Consellería de Educación e Universidades do Principado dixo que garantirá o servizo de intérpretes de lingua de signos nos centros públicos asturianos para o presente curso escolar.
Fonte: La Información
28 de decembro de 2011
A pesar dos progresos significativos no apoio ao éuscaro nos últimos anos no País Vasco francés, a asociación Euskal Konfederazioa cre que o proceso de promoción lingüística ten que pasar necesariamente pola oficialización da lingua vasca.
Fonte: Le Journal du Pays Basque
Boletín
Subscríbase ao boletín
