Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A comisión de Educación do Parlamento foral votou en contra dunha moción que instaba o Goberno de Navarra a dotar os medios de comunicación en éuscaro dos “recursos necesarios" para empregar esta lingua de forma “habitual e progresiva”.
Fonte: Diario de Navarra
A Corporación de Internet para a Asignación de Nomes e Números (Icann) abre un novo período para que as cidades, territorios ou organizacións que o desexen soliciten ter un dominio propio en internet. A Asociación PuntoGal, co apoio da Secretaría Xeral de Modernización da Xunta, presentará a súa candidatura co obxectivo de facer realidade o .gal.
Fonte: La Opinión
A Deputación da Coruña publicou as bases reguladoras do programa de cooperación cos concellos da provincia da Coruña para a creación ou mantemento dos seus servizos de normalización lingüística durante o ano 2012.
Fonte: Consello da Cultura Galega
A Secretaría Xeral de Política Lingüística convoca para o ano 2012 un total de 125 cursos de lingua galega preparatorios para as probas dos niveis Celga 1, Celga 2, Celga 3 e Celga 4. O Diario Oficial de Galicia do 9 de xaneiro publica a orde pola que se anuncia esta oferta de formación, voluntaria e gratuíta, dirixida a particulares (adultos) que desexen participar nos cursos e tamén a colectivos, entidades e/ou asociacións interesados en organizalos.
Fonte: Xunta de Galicia
O alumnado andaluz de Primaria e Secundaria acada en idiomas puntuacións equivalentes a notable, segundo o informe das probas de avaliación de diagnóstico correspondente ao curso 2010/2011, que incluíu por primeira vez a valoración da competencia lingüística en linguas estranxeiras.
Fonte: Ideal
Aínda non se chegou a un consenso sobre as linguas orixinarias que deben impartirse nas unidades escolares de Bolivia. As autoridades educativas instruíron que as provincias apliquen a lingua nativa que predomina na zona, incluído o quechua. Porén, organizacións sociais pensan que se debe dar prioridade ao ensino das linguas orixinarias do departamento de Santa Cruz.
Fonte: Los Tiempos
Un mozo brasileiro de 15 anos adapta o iPhone 4S, da empresa norteamericana Apple, á lingua portuguesa. O aparello está dispoñible só en inglés, francés e alemán.
Fonte: Ciência Hoje
Nos tempos actuais de crise, un grupo de traballadores está a gozar de prosperidade grazas aos bos índices da economía xermana: os profesores de lingua alemá. Os centros do Instituto Goethe de toda Alemaña están a rexistrar un forte incremento de estudantes de Grecia e España, dous dos países máis castigados pola crise na zona do euro.
Fonte: FT
Coñecida comunmente como a lingua orixe do árabe e o hebreo, a antiga lingua aramea conta aínda con falantes e está prosperando nalgunhas zonas de Iraq. Hoxe en día, coa crecente estabilidade da rexión kurda do país, o arameo está rexurdindo na zona. Das 30 000 persoas estimadas que falan un dialecto do arameo no mundo, a maioría vive no Kurdistán iraquí.
Fonte: The Wall Street Journal
Os poetas de Galicia teñen un novo espazo autoxestionado onde dar a coñecer os seus traballos coa creación do blog As escollas electivas.
Fonte: Valmiñor.info
Subscríbase ao boletín
