Trátase dunha tese de doutoramento redactada en asturiano e que puido facer todos os trámites desde o inicio, e por primeira vez, completamente en asturiano.
Fonte: Asturnews
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
21 de decembro de 2011
21 de decembro de 2011
Google Maps tomou unha tarefa ben particular nos mapas de Barcelona: traducir ao castelán os nomes das rúas e avenidas da cidade. As orixinais están en catalán, polo que o “re-bautizo” molestou ao Concello da Cidade Condal que non entende a razón (nin a necesidade) para realizar os cambios.
Fonte: Fayerwayer
21 de decembro de 2011
Xa é posible descargar dos servidores da Fundación Mozilla as distintas versións en galego desta aplicación para Windows, Mac OS X e Linux.
Fonte: Código Cero
21 de decembro de 2011
A Universidade da Coruña é a responsable da edición desta obra, que consta de 7000 lemas que incorporan as últimas actualizacións internacionais de nomenclatura. O libro elaborouse co asesoramento de especialistas en química e en lingua galega e en colaboración co Servizo de Normalización Lingüística.
Fonte: La Opinión
21 de decembro de 2011
Os Centros de Información á Muller de Vigo, Redondela, Soutomaior, O Porriño, Gondomar e Moaña van incorporar un innovador servizo de teletradución a 51 idiomas, ofrecido sen custo pola Secretaría Xeral de Igualdade da Xunta de Galicia.
Fonte: Xunta de Galicia
21 de decembro de 2011
Microsoft publicou por primeira vez un paquete de software en linguas africanas. Usuarios informáticos do continente africano poderán agora ter acceso a software localizado en suahili (lingua costeira de África oriental), igbo, hausa, iorubá (linguas de Nixeria) e en amárico de Etiopía.
Fonte: Computerworld
21 de decembro de 2011
Por medio de cursos, a Universidade de Ciencias e Artes de Chiapas (Unicach) busca preservar a lingua zoque, que está en perigo de desaparición.
Fonte: El Heraldo de Chiapas
20 de decembro de 2011
O Congreso Permanente da Lingua occitana encargarase da regulación lingüística do occitano. O novo organismo conta co apoio das rexións francesas de Aquitania, Languedoc-Rosellón, Mediodía-Pireneos e Ródano-Alpes. O próximo mes de marzo, unha manifestación demandará mellores políticas para impulsar o uso público da lingua.
Fonte: Nationalia
20 de decembro de 2011
A produtora Ámbitu, editora do diario Les Noticies, acaba de emitir os tres primeiros episodios de “Chatarrona”, a primeira comedia de situación en asturiano feita para a rede.
Fonte: Asturnews
20 de decembro de 2011
‘Fala co Concello en éuscaro, é o teu dereito’. Este é o lema da campaña que busca lograr que a cidadanía tolosarra, sexa cal sexa o seu nivel de coñecemento do éuscaro, o utilice cando teña que facer xestións nas oficinas municipais, trámites, solucionar dúbidas ou completar papeis.
Fonte: Diario Vasco
Boletín
Subscríbase ao boletín
