A cadea iraniana Press TV iniciou as emisións dunha nova canle en lingua turca, co obxectivo de fortalecer a súa presenza entre as comunidades de fala turca.
Fonte: TGR
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de xaneiro de 2025
A Mesa pola Normalización Lingüística denuncia que o proxecto de lei de intelixencia artificial da Xunta exclúe o galego ao non prever o seu uso nos sistemas de IA que interactúan coa cidadanía. Critican a falta de medidas para garantir os dereitos lingüísticos nesta tecnoloxía e consideran que a iniciativa desincentiva o desenvolvemento de asistentes virtuais en galego.
22 de xaneiro de 2025
Meta está comezando a incorporar o catalán en Messenger, dispoñible en versión de escritorio e Android, pero aínda non en iOS. A Plataforma per la Llengua cualifica este avance de modesto e reclama que Instagram e Threads tamén ofrezan soporte para esta lingua. A entidade destaca a sorprendente exclusión do catalán en redes sociais populares, a pesar de estar presente en Facebook desde 2008 e WhatsApp desde 2012.
22 de xaneiro de 2025
A Real Academia Galega publicou en versión dixital o libro que compila as intervencións da IX Xornada de Onomástica Galega que se celebrou no Museo de Pontevedra no pasado mes de outubro e que estivo dedicada a "outros nomes", os que non designan persoas nin lugares.
21 de xaneiro de 2025
As escolas da rexión italiana do Friuli-Venecia Xulia abriron as inscricións para o ensino da lingua friulana. Esta iniciativa busca preservar e fomentar o uso do friulano entre o alumnado, promovendo a diversidade lingüística e cultural.
Fonte: Rai News
21 de xaneiro de 2025
A serie de televisión en gaélico escocés An t-Eilean (A illa) busca atraer a unha audiencia máis ampla, superando as limitacións impostas pola barreira do idioma. A produción destaca por localizacións impresionantes e un orzamento innovador, co obxectivo de promover a lingua e cultura gaélica entre os espectadores.
Fonte: BBC
21 de xaneiro de 2025
A Universidade Rovira i Virgili (URV) inaugurou un Punto de Dereitos Lingüísticos no Campus Catalunya, consistente nun panel con acceso mediante código QR á información sobre estes dereitos. O obxectivo é divulgar os recursos e as accións relacionados coa política lingüística da institución.
21 de xaneiro de 2025
O Concello de Pamplona presentou o borrador do futuro plan de normalización lingüística, que busca promover o uso do éuscaro na administración e nas relacións coa cidadanía. O documento subliña a responsabilidade institucional de protexer esta lingua e inclúe compromisos para fomentar a aprendizaxe, aumentar o seu prestixio social e asegurar recursos suficientes para a súa implementación. Entre os seus obxectivos figura a creación do Consello Municipal do Éuscaro para supervisar e avaliar as accións.
21 de xaneiro de 2025
O Centro de Terminoloxía TERMCAT publicou a versión en catalán das normas UNE-EN ISO/IEC 27000:2021 e UNE-EN ISO/IEC 27001:2023, relativas á xestión da seguridade da información. A norma 27000 define conceptos básicos deste ámbito, mentres que a 27001 establece requisitos para implementar un sistema de xestión de seguridade. Ademais, tamén se traduciu a emenda sobre accións climáticas.
21 de xaneiro de 2025
O Concello de Narón lanzou a guía En Narón, galego viaxeiro dirixida ás persoas que visitan a cidade e desexan iniciarse no uso da lingua galega. Este recurso, dispoñible en galego, español e inglés, ofrece vocabulario e frases prácticas para situacións cotiás, ademais de refráns e expresións populares.
Boletín
Subscríbase ao boletín
