Un centenar de representantes das academias da lingua española de 22 países iniciaron en Panamá os seus traballos para analizar a situación do español no mundo e coordinar proxectos de colaboración para os próximos anos.
Fonte: El Universal
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de novembro de 2011
23 de novembro de 2011
Na remota Provincia Occidental de Zambia, un grupo de lingüistas afeccionados, na súa maior parte antigos agricultores, creou un sistema de escritura para a súa lingua materna, o shanjo, co fin de que todas as persoas da comunidade poidan aprendela. O grupo tamén está a traballar na tradución da Biblia cara a esta lingua.
Fonte: BBC News
23 de novembro de 2011
“Os servizos lingüísticos locais levan a cabo un labor fundamental no fomento do uso e do prestixio do galego, tanto no ámbito interno dos concellos como no seu contorno social”. Así o afirmou o responsable de Política Lingüística, Anxo Lorenzo, que destacou a intención do seu departamento de “continuar apoiando o seu mantemento e as actividades que realizan”.
Fonte: Xunta de Galicia
23 de novembro de 2011
A campaña de dinamización lingüística Xantar Compostela pon en marcha novas accións para promover o uso do galego desde a hostalería. Con este fin, a iniciativa difundirá 150 000 manteis con xogos e palabras en galego entre establecementos do sector de Santiago de Compostela e comarca, que lles permitirán aos clientes e clientas achegarse á lingua propia de Galicia no tempo de xantar.
Fonte: Xunta de Galicia
23 de novembro de 2011
Persoas xordas procedentes de toda Andalucía reuniranse ás portas do Parlamento de Andalucía para celebrar a lei que recoñecerá a lingua de signos na comunidade autónoma e colocará os dereitos das persoas xordas na vangarda de todo o estado.
Fonte: Diario Signo
23 de novembro de 2011
Mediante a tarxeta Ikasle Txartela, calquera alumno dos euskaltegis ou da Escola Oficial de Idiomas de Irún disporá de vantaxes económicas en actividades e actos nese idioma que programe o Concello e beneficiarase de descontos en subscricións a publicacións en éuscaro.
Fonte: Diario Vasco
22 de novembro de 2011
Un membro británico do Parlamento Europeo, Marina Yannakoudakis, esixe a obrigatoriedade de superar exames de lingua para os médicos que traballen na Unión Europea. Asegura ademais que o caso recente no que un médico alemán foi declarado culpable da morte dun paciente levanta “preocupacións sobre a mobilidade dos profesionais médicos na UE”.
Fonte: The Parliament
22 de novembro de 2011
O Instituto Vigdís Finnbogadóttir de Linguas Estranxeiras da Universidade de Islandia en Reikiavik funcionará agora baixo o mando da UNESCO. Este instituto é a primeira institución lingüística internacional en obter tal recoñecemento.
Fonte: Iceland Review
22 de novembro de 2011
Alumnos e alumnas de Filoloxía Galega da Universidade de Santiago de Compostela visitaron a Secretaría Xeral de Política Lingüística para completar a súa formación académica na materia que están a cursar sobre Planificación sociolingüística da lingua galega.
Fonte: Xunta de Galicia
22 de novembro de 2011
A diversidade lingüística e cultural do Camiño de Santiago protagoniza unha exposición que chega a Alemaña e que busca poñer en valor o plurilingüismo e a riqueza cultural no ámbito europeo a través do galego.
Fonte: Xunta de Galicia
Boletín
Subscríbase ao boletín
