Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Goberno portugués fusionará o actual Instituto Camões (IC) e o Instituto Portugués de Apoio ao Desenvolvemento (IPAD) no novo Camões: Instituto da Cooperación e da Lingua, que terá por misión potenciar o desenvolvemento da cooperación internacional e a promoción da lingua e a cultura portuguesas no estranxeiro.
Fonte: Diário digital
O ruso será a segunda lingua oficial de Osetia do Sur despois de que a maior parte dos electores votara a favor deste recoñecemento nun referendo. Ata agora, o idioma oficial era o osetio a pesar de que unha parte significativa da poboación empregase o ruso.
Fonte: Diário da Rússia
El Corte Inglés lanzará o vindeiro día 25 de novembro un novo lector de libros electrónicos que mide 166,66 x 114 x 10 milímetros, pesa 190 gramos e destaca por contar con menús en español, inglés, francés, alemán, italiano, neerlandés, catalán, éuscaro e galego.
Fonte: Código Cero
A lingua galega consolídase nos programas académicos das universidades de Alemaña e reforza, deste xeito, a súa proxección e recoñecemento internacionais a través da docencia, da investigación e das actividades de promoción do idioma, da literatura e da cultura de Galicia. Á consecución deste obxectivo contribúe o novo Centro de Estudos Galegos (CEG) da Universidade de Heidelberg, que foi inaugurado polo secretario xeral de Política Lingüística, Anxo Lorenzo.
Fonte: Xunta de Galicia
O conselleiro de Benestar Social e Familia da Generalitat de Catalunya, Josep Lluís Cleries, apostou por priorizar o ensino do catalán aos inmigrantes para favorecer a cohesión social e garantir unha rápida incorporación na sociedade.
Fonte: La Vanguardia
O Instituto Nacional de Administración Pública (INAP) achegará este ano unha cantidade de 60 000 euros para actuacións relacionadas coa promoción do coñecemento da lingua catalá do persoal da Administración Xeral do Estado destinada en Baleares.
Fonte: Europa Press
Especialistas da lingua en Estonia están preocupados pola deterioración que esta está a sufrir entre a mocidade estoniana e afirman que as escolas deberían impoñer normas máis estritas.
Fonte: ERR
A Rede de Dinamización Lingüística está a preparar o deseño do programa de actividades que poñerá en marcha durante o próximo ano para promover a extensión social do galego desde o ámbito local.
Fonte: Xunta de Galicia
A Secretaría Xeral de Política Lingüística convoca un concurso de presentacións electrónicas para felicitar o Nadal en lingua galega. Logo da ampla participación acadada na primeira edición da iniciativa, en 2010, con máis dun cento de propostas recibidas, a secretaría xeral pon de novo en marcha este concurso, co que busca promover a presenza do galego na comunicación propia das festas de Nadal e tamén no ámbito das tecnoloxías.
Fonte: Xunta de Galicia
Un programa de actividades, no que participarán 84 escritores vascos, tratará de potenciar a afección e o hábito de lectura en éuscaro entre os máis novos, nunha iniciativa impulsada pola Deputación Foral de Biscaia.
Fonte: ABC
Subscríbase ao boletín
