O programa Parellæs volve ofrecer ao alumnado interesado a posibilidade de realizar intercambios lingüísticos entre galego e catalán, a través dos e das estudantes orixinarios do ámbito lingüístico catalán que actualmente estudan na Universidade de Santiago de Compostela, así como ao alumnado galego que cursa estudos de catalán.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
07 de novembro de 2011
07 de novembro de 2011
Un total de 1732 persoas obtiveron a certificación oficial de coñecemento da lingua galega no que vai de ano. Esta cifra correspóndese co número de aprobados nos exames de Certificación de lingua galega (Celga) realizados na convocatoria de xuño de 2011.
Fonte: Xunta de Galicia
07 de novembro de 2011
A Sección de Lingua Castelá creada no Departamento de Educación terá como obxectivo fundamental impulsar entre os alumnos a mellora da comprensión lectora e da competencia comunicativa oral e escrita nesta lingua, para o que se elaborarán novos materiais didácticos en distintos formatos.
Fonte: Xornal de Galicia
07 de novembro de 2011
O Consello de Goberno deu o visto e prace a un convenio entre a Consellería de Educación, Formación e Emprego e o Ministerio de Educación para a mellora da aprendizaxe de linguas estranxeiras. O acordo, que supón un investimento de 895 142 euros, permitirá mellorar o ensino doutro idioma e reforzar as competencias lingüísticas de alumnos e profesores da rexión.
Fonte: Europa Press
06 de novembro de 2011
A Axencia Rexional para a Lingua Friulana publicou en seis volumes o Grant Dizionari Bilengâl Talian Furlan (Gran Dicionario Bilingüe Italiano-Friulano). A obra, que tamén se difunde nun CD e en liña, constitúe actualmente o maior investimento en materia de lingua friulana da rexión de Friuli-Venecia Giulia.
05 de novembro de 2011
O enviado de Rusia na Organización do Tratado do Atlántico Norte (OTAN), Dmitry Rogozin, propuxo a celebración dun referendo nos Estados europeos para que o ruso se converta en lingua de traballo da Unión Europea. O partido gobernante, Rusia Unida, apoiou esta proposta.
Fonte: RT
04 de novembro de 2011
Unha canle de televisión en lingua irlandesa publica unha aplicación gratuíta para aprender irlandés
A canle de televisión en lingua irlandesa TG4 publicou a súa primeira aplicación para aprender irlandés. Pensada fundamentalmente para os máis pequenos, este novo recurso contén máis de 100 palabras en irlandés, polo que tamén pode ser ideal para aqueles que se inician na aprendizaxe da lingua.
Fonte: The Journal
04 de novembro de 2011
As empresas estranxeiras que teñan negocios na cidade de Dubai, nos Emiratos Árabes Unidos, teñen agora a opción de acudir a tribunais en lingua inglesa no Centro Financeiro Internacional de Dubai para resolver os seus litixios.
Fonte: Out-Law
04 de novembro de 2011
O 4 de novembro conmemórase o Día da Ciencia en Galego, unha celebración que pretende poñer en valor o uso do idioma no ámbito científico e contribuír a promover a investigación desenvolvida na lingua propia de Galicia.
Fonte: Xunta de Galicia
04 de novembro de 2011
Para prestar un mellor servizo aos turistas con discapacidade auditiva que visitan Santander ou Cantabria, o Concello colaborará coa Asociación de Guías Turísticos Oficiais de Santander e Cantabria na organización dun curso de lingua de signos que ten como obxectivo ampliar a formación destes profesionais.
Fonte: Diario Montañés
Boletín
Subscríbase ao boletín
