Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O conselleiro de Educación e Ordenación Universitaria, Xesús Vázquez, e o reitor da Universidade de Santiago de Compostela, Juan J. Casares Long, asinaron un convenio de colaboración que lle permitirá ao Instituto da Lingua Galega continuar avanzando no desenvolvemento da súa actividade científica.
Fonte: Xunta de Galicia
O responsable de Política Lingüística, Anxo Lorenzo, recibiu a estudantes polacos que están a aprender lingua, literatura e cultura galegas na Universidade de Varsovia, así como á súa profesora lectora de galego, Ana Garrido.
Fonte: Xunta de Galicia
Presentouse ante o Goberno grego unha lei sobre a educación da lingua grega no estranxeiro que aspira a que se estableza unha conexión directa entre o financiamento e a calidade da educación para así acadar a máxima eficacia no ensino e difusión desta lingua.
Fonte: Greek Reporter
En toda a República Federal de Alemaña existen máis de 150 escolas de ensino primario bilingües e esta cifra vai en aumento. Nestes centros, as linguas estranxeiras impártense non só aos nenos de familias emigrantes, xa que os alumnos alemáns tamén sacan proveito desta oferta bilingüe.
Fonte: Deutsche Welle
Segundo unha enquisa realizada por Rosetta Stone, o 80 % dos profesionais directivos cre que é "moi" ou "sumamente" importante que os traballadores posúan competencias bilingües.
Cómpre recordar que este ano o número de auxiliares nativos que chegarán ás aulas galegas ascende a 361, dos que 339 serán de conversa, 18 sénior e o resto froito duns convenios de colaboración asinados pola Consellería de Educación e outras entidades estranxeiras.
Fonte: Xunta de Galicia
Ademais de Xornal.com, nas últimas datas pecharon outros medios de comunicación como Galicia Hoxe, o único diario impreso integramente en galego, así como o semanario A Nosa Terra, que tamén era editado en lingua galega. Outros proxectos de comunicación nesta lingua, pero editados en internet, tamén se foron pechando como o caso de Vieiros.
Fonte: Europa Press
Os nenos eibarreses con idades comprendidas entre os 5 e 9 anos disporán, un ano máis, do programa ‘Afariketan’, que ofrece actividades lúdicas fóra do horario escolar para practicar o éuscaro.
Fonte: El Correo
Un total de cinco institutos andaluces ofertan a partir deste curso a dobre titulación de Bacharelato español e francés, estudos que darán acceso ao alumnado a universidades tanto españolas como francesas.
Fonte: Europa Press
Un éxodo electrónico da mocidade de Oriente Medio cara aos sitios de internet en lingua inglesa na busca de contido informativo e de lecer pode estar contribuíndo ao declive no uso da lingua materna árabe na rexión.
Fonte: Albawaba
Subscríbase ao boletín
