Novacaixagalicia Banco é a primeira entidade bancaria que emprega o galego na súa escritura fundacional na centenaria historia financeira de Galicia.
Fonte: ABC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
16 de setembro de 2011
16 de setembro de 2011
Na versión española do xigante da venda en liña Amazon están dispoñibles unicamente 408 títulos en galego, aínda que aparecen rexistrados un total de 6743 resultados de obras nesta lingua.
Fonte: Culturagalega.org
15 de setembro de 2011
A Secretaría Xeral de Política Lingüística promove a realización de proxectos de innovación en dinamización lingüística nos centros educativos para desenvolver no curso académico 2011-2012.
Fonte: Xunta de Galicia
15 de setembro de 2011
A Facultade de Ciencias Humanas e da Educación de Huesca superou a decena de alumnos para a posta en marcha, por primeira vez na Universidade de Zaragoza, do Diploma de Especialización en Lingua Aragonesa, polo que pasará a impartirse este curso 2011-2012.
Fonte: Heraldo
15 de setembro de 2011
Os bebés acabados de nacer son capaces de distinguir algúns pares de idiomas coma o inglés e o francés ou o xaponés e o inglés, mentres que no caso do catalán e o castelán non é ata os catro meses cando comezan a diferenciar as dúas linguas.
Fonte: ABC
15 de setembro de 2011
A Xunta de Galicia e as tres universidades galegas comezaron a planificación de novas medidas que permitan ampliar a presenza do galego no ámbito universitario. Fixérono na reunión da Comisión Interuniversitaria de Política Lingüística que tivo lugar en Vigo.
Fonte: Xunta de Galicia
15 de setembro de 2011
Son un total de 10.000 refráns os que están dispoñibles na tenda App Store por 0,79 euros. Trátase dunha forma de dar a coñecer o patrimonio cultural galego e a tradición oral ás tecnoloxías da información e as redes sociais.
Fonte: Culturagalega.org
14 de setembro de 2011
Con motivo do día da lingua hindi, a presidenta da India, Pratibha Patil, afirmou que existen 1700 linguas neste país e que se deben tomar medidas axeitadas para a súa promoción. “Comprometámonos a usar o hindi e outras linguas indias diariamente. Todos deben aprender hindi e, como mínimo, outra lingua india ademais da lingua materna", engadiu.
Fonte: DNA India
14 de setembro de 2011
En palabras do primeiro ministro británico, David Cameron, os desempregados do Reino Unido que non falen inglés estarán obrigados a aprender esta lingua ou poderían perder o dereito a percibir as súas prestacións.
Fonte: The Telegraph
14 de setembro de 2011
O Congreso dos Deputados emitiu unha mensaxe de apoio ao modelo lingüístico de Cataluña, contido nunha iniciativa de ERC que contou co apoio de todos os grupos parlamentarios excepto o PP.
Fonte: RTVE
Boletín
Subscríbase ao boletín
